Marthe Keller

Us der alemannische Wikipedia, der freie Dialäkt-Enzyklopedy
d Marthe Keller (2016)

D Marthe Keller (* 28. Jänner 1945 z Basel) isch e Schwyzer Schauspiileri.

Lääbe[ändere | Quälltäxt bearbeite]

D Keller het ab 1953 e Danzuusbildig gmacht un anne 1962 irr Debüt as Dänzeri am Stadttheater Basel gee. Z Minche het si Schauspiil gleert un isch derno z Haidelberch un am Schillertheater z Berlin ufdrätte.

Noch e baar Rolle im dytsche Fäärnsee het si iri Filmkarriere z Frankryych unter dr Reschy vum Philippe de Broca un an dyr Syte vum Yves Montand in Pack den Tiger schnell am Schwanz (1969) aagfange. In Wenn Marie nur nicht so launisch wär’ (1970) het si iri eerscht Hauptroll gspiilt. Dernääbe het in als fuurt in Theaterprodukzioone mitgwiirkt.

Anne 1975 het si Frankryych verloo un isch uf Hollywood gange. 1976 het si an dr Syte vum Dustin Hoffman in Der Marathon-Mann gspiilt, wu si ne Nominierig fir e Golden Globe as beschti Nääbedaarstelleri derfiir iberchuu het. In Schwarzer Sonntag (1977) vum John Frankenheimer het si ne Terrorischti gspiilt, in Fedora vum Billy Wilder e Filmdiva, wu zrugzooge läbt un fir e neie Fil soll gwunne wääre. No andere Rolle z Hollywood, unter anderem an dr Syte vum Al Pacino in Bobby Deerfield (1977) un in Die Formel mit em Marlon Brando, het si syt dr 1980er Joor in dr Hauptsach Theater gspiilt, so u. a. vu 1983 bis 1986 d Buhlschaft im Jedermann näb em Klaus Maria Brandauer bi dr Salzburger Feschtspiil, derzue het si in Fäärnseeprodukzioone mitgwiirkt.

Anne 2001 isch si fir iri Roll vu dr Mme. Berthold in dr Broadway-Inszenierig vu Das Urteil von Nürnberg as beschti Schauspiileri fir dr US-amerikanisch Theaterbryys Tony nominiert gsii. 2006 het si dr Schwyzer Filmbryys as „Beschti Nääbedaarstelleri“ fir iri Roll in Fragile iberchuu.[1][2][3] Syter 1999 het si au bi meerere Oopere Reschy gfiert. Aafangs 2012 isch d Marthe Keller vu dr franzeesische Regierig in Rang vun ere Ritteri vu dr franzeesische Eerelegioon glupft woore.[4]

Anne 1971 isch ire Suun Alexandre uff d Wält chuu, sy Vater isch dr Philippe de Broca gsii.

Filmografy (Uuswaal)[ändere | Quälltäxt bearbeite]

  • 1965: Sie schreiben mit (Fernsehserie)- Die Entscheidung
  • 1965: Und nicht mehr Jessica (Fäärnseefilm)
  • 1967: Wilder Reiter GmbH
  • 1969: Pack den Tiger schnell am Schwanz (Le diable par la queue)
  • 1970: Wenn Marie nur nicht so launisch wär’ (Les caprices de Marie)
  • 1972: Das späte Mädchen (La vieille fille)
  • 1973: Durch Paris mit Ach und Krach (Elle court, elle court la banlieue)
  • 1974: Ein Leben lang (Toute une vie)
  • 1974: Die Antwort kennt nur der Wind
  • 1976: Ein Koffer aus Lausanne (Le guêpier)
  • 1976: Der Marathon-Mann (Marathon Man)
  • 1977: Schwarzer Sonntag (Black Sunday)
  • 1977: Bobby Deerfield
  • 1978: Fedora
  • 1980: Die Formel (The Formula)
  • 1981: Der zweite Mann (The Amateur)
  • 1982: Die Kartause von Parma (La certosa di Parma)
  • 1983: Wagner – Das Leben und Werk Richard Wagners (Wagner)
  • 1984: Nobody´s Women (Femmes de personne)
  • 1987: Schwarze Augen (Oci ciornie)
  • 1989: Georg Elser – Einer aus Deutschland
  • 1991: Die junge Katharina (Young Catherine)
  • 1994: Meine Freundin Max (Mon amie Max)
  • 1994: Tödliches Geld – Das Gesetz der Belmonts (zweedailige Fäärnseefilm)
  • 1995: Erklärt Pereira (Sostiene Pereira)
  • 1995: Belle Époque (Fäärnseedreidailer)
  • 1997: K – Das Zeichen des Bösen (K)
  • 1997: Die Schwächen der Frauen (Elles)
  • 1998: Schule des Begehrens (L'école de la chair)
  • 2002: Aaron und der Wolf (Time of the Wolf)
  • 2004: Die Nacht singt ihre Lieder
  • 2006: fragile
  • 2007: In der Glut der Sonne (UV)
  • 2007: Chrysalis – Tödliche Erinnerung (Chrysalis)
  • 2009: In einem anderen Licht (Sous un autre jour)
  • 2011: Mein bester Feind
  • 2011: Die Verschwörung – Verrat auf höchster Ebene (Page Eight, Fäärnseefilm)
  • 2012: Au galop
  • 2013: Miserere (La marque des anges – Miserere)
  • 2014: Homo Faber (drei Frauen)
  • 2015: Amnesia
  • 2016: La vie à l'envers (Fäärnseefilm)
  • 2016: Die Ökonomie der Liebe (L'économie du couple)
  • 2017: Les sources assassines (Fäärnseefilm)
  • 2019: The Staggering Girl (Chuurzfilm)
  • 2019: La Sainte Famille

Literatur[ändere | Quälltäxt bearbeite]

Weblink[ändere | Quälltäxt bearbeite]

 Commons: Marthe Keller – Sammlig vo Multimediadateie

Fueßnote[ändere | Quälltäxt bearbeite]

  1. SWISS FILMS: Fragile. Abgruefen am 27. Oktober 2019.
  2. Schweizer Filmpreis an "Mein Name ist Eugen". In: Swissinfo. 18. Januar 2006, abgruefen am 27. Oktober 2019.
  3. Stefan Brändle: Marthe Keller: «Ich habe mich immer mehr versteckt als gezeigt». In: Aargauer Zeitung. Abgruefen am 27. Oktober 2019.
  4. Marthe Keller promue chevalier de la Légion d’honneur bi letemps.ch, 2. Jänner 2012
Dä Artikel basiert uff ere fräie Übersetzig vu dere Version vum Artikel „Marthe_Keller“ vu de dütsche Wikipedia. E Liste vu de Autore un Versione isch do z finde.