Mario Ketterer
Dr Mario Ketterer (* 1950 z Aichstett am Chaiserstuel) isch en dytsche Unternämer un eemoolige Rännfahrer. Vu 2008 bis 2012 isch dr Ketterer mit ere Schwyzer Lizänz an Start gange.[1][2]
Karriere[ändere | Quälltäxt bearbeite]
No in dr Zyt vu syre Uusbildig isch dr Ketterer as 19-Jehrige 1969 sy erscht Bärgrenne bim ADAC-Schauinsland-Ränne gfahre. Drei Johr speter het er in eme Opel Ascona 22 vu 25 Bärgränne in syre Klass gwunne. Anne 1975 isch er uf drdritt Blatz bi dr Dytsche Bärgmaischterschaft chuu. 1978 het er alli 15 Ränne zue dr Dytsche Sportwage-Maischterschaft gwunne un isch mit großem Vorsprung Dytsche Maischter wore. Bim letschte Ränne uf dr Schauinslandstrecki am 9. Juli 1979 het dr Ketterer mit sym Cassani-Ralt-BMW Formel 2 e Streckerekord ufgstellt. Är heg fir di 11,2 Kilometer lang Strecki am Fryburger Huusbärg 4:59,20 Minute bruucht un isch dodermit unter sym aigene Rekord us em Vorjohr blibe, wun er 5:01,21 Minute mit eme TOJ-SC-206-Sportwage brucht ghaa het. Die Rekordfahrte bis hite d Rekord uf d rStrecki, wel derno uf dr klassische Bärgstrecki kaini Zytwärtige me uusdrasit wore sin.[3]
Dr Mario Ketterer isch nit nume bi Bärgränne erfolgrych gsii, är het au herti Duäll ghaa in dr Dytsche Rännsportmaischterschaft. Fahrer wie dr Manfred Winkelhock, dr Hans Heyer oder dr Harald Ertl hän zue dr greschte Kontrahänte vum Ketterer ghert.
1979 isch dr Ketterer zäme mit em Reinhold Joest un em Volkert Merl am Styyr vun eme Porsche 908 Turbo-Spyder bim 1000-km-Ränne vu Dijon Gsamtsiger bim Markewältmaischterschaftslauf wore. Aafangs 1980er-Johr isch er erfolrych fir d Renault Suisse uf Fahrzyyg wie Renault 5 Turbo, Renault Alpine V6 un Renault Clio in Laif zum Renault Europapokal un dr Schwyzer Maischterschaft gfahre. Bim 6-Stunde-Ränne vu Mugello 1981 isch er uf BMW 320i Gruppe 5 vu GS-Tuning mit em Anton Fischhaber uf dr dritt Blatz chuu un uf dr viert Blatz bim 1000-km-Ränne am Nürburgring 1982 uf BMW 320i Gruppe 5 mit em Anton Fischhaber un em Eckhard Schimpf. Anne 1984 isch dr Ketterer in dr DTM-Saison vier Ränne fir s Schwyzer Team Brun Motorsport uf eme BMW 635 CSi gfahre.
Anne 1998 isch dr Ketterer zum erschte Mol im Porsche Carrera Cup gfahre. S Fahrzyyg isch vum Fryburger Eichin Racing Team yygsetzt wore.
Syter anne 1999 isch dr Ketterer im Veedol-Langstreckepokal gfahre, wu speter unter em BF Goodrich-Langstreckemaischterschaft uusdrait woren isch. Es folgten Siege beim Langstreckenpokal auf dem Nürburgring mit BMW und Porsche und beim 24-Stunden-Rennen Paul Ricard.
2003 isch dr Ketterer Klassesiiger bim 24-Stunde-Ränne uf em Nürburgring uf eme Volvo S60 vum Team Mühlner Motorsport un Zehnte im Gsamtklassemänt gsii. 2010 isch er fir s Rent2Drive-Racing Team an Start gange un isch uf Blatz zwai bim 24-Stunde-Ränne uf BMW M3 un bim BF-Goodrich Langstreckeränne uf Blatz ais chuu.[4]
2013 het dr Mario Ketterer im Alter vu 62 Johr sy Uuusstig us em aktive Motorsport verchindet. Syt 1978 schafft er as Unternämer in dr Immobiliebranche.[5]
Weblink[ändere | Quälltäxt bearbeite]
- Bergkönig Mario Ketterer uf badische-zeitung.de
Fueßnote[ändere | Quälltäxt bearbeite]
- ↑ Vorläufige STARTER-LISTE: 33. DMV Münsterlandpokal, 25. Oktober 2008 (Memento vom 4. März 2016 im Internet Archive), VLN-Homepage, abgruefen am 3. Juni 2014.
- ↑ Vorläufige Teilnehmerliste, 37. DMV Münsterlandpokal (27.10.2012) (Memento vom 4. März 2016 im Internet Archive), VLN-Homepage, abgruefen am 3. Juni 2014.
- ↑ Bergrekord für Immer (Memento vom 6. Juni 2014 im Internet Archive) uf carsablanca.de
- ↑ Mario Ketterer uf hms-tuning.de
- ↑ Ketterer-Immobilien
|
Dä Artikel basiert uff ere fräie Übersetzig vu dere Version vum Artikel „Mario_Ketterer“ vu de dütsche Wikipedia. E Liste vu de Autore un Versione isch do z finde. |