Marianne Grunberg-Manago
D Marianne Grunberg-Manago (* 6. Jänner 1921 z Petrograd; † 3. Jänner 2013 z Paris) isch e franzesischi Biochemikeri gsii.
Lääbe
[ändere | Quälltäxt bearbeite]
D Grunberg-Manago isch us ere Chinschtlerfamilie chuu un isch mit ihre Familie 1921 uf Frankrych chuu. Si het Biochemy z Paris studiert un isch ab 1953 as Poschtdoktorandi im Labor vu Severo Ochoa z New York gsii, wu si 1955 d Polynukleotid-Phosphorylase (PNPase) entdeckt ghaa het. Des isch s eerscht Enzym zue dr diräkte Sinthes vu RNA gsii (vorhär het mer RNA-Polymerase gchännt, wu aber DNA bruuche) un isch bald derni vum Marshall Nirenberg un em Heinrich Matthaei in ihre klassische Experimänt zum genetische Code bruucht wore (Poly-U-Experimänt).
Au d Grunberg-Manago het bi dr Ufklerig vu verschidene Prozäss bi dr Transkription vu Gen mitgforscht un het am Labor vum E. Aubel am Institut de Biologie physicochimique z Paris an biochemische Froge vum Stoffwächsel vu Bakterie gforscht. Anne 1967 isch si dert Chef de service wore. Si isch Forschigsdiräkteri vum Centre national de la recherche scientifique (CNRS) un vu 1977 bis 1982 Brofässeri an dr Universitet Paris VII gsii. Anne 1977 isch si Gaschtbrofässer an der Harvard University gsii.
Ehrige, Bryys un Mitglidschafte (Uuswahl)
[ändere | Quälltäxt bearbeite]- 1964: Mitglid vu dr European Molecular Biology Organization (EMBO)
- 1966: Prix Charles-Léopold Mayer
- 1977: Mitglid vu dr Académie des sciences
- 1978: Mitglid vu dr American Academy of Arts and Sciences
- 1982: Mitglid vu dr National Academy of Sciences
- 1988: Mitglid vu dr Russische Akademy vu dr Wisseschafte
- 1988: Mitglid vu dr Academia Europaea
- 2008: Großoffizier vu dr Ehrelegion
- Komtur vum Ordre national du Mérite
- Uuswärtig Mitglid vu dr Polnische Akademy vu dr Wisseschaften
Weblink
[ändere | Quälltäxt bearbeite]
|
Dä Artikel basiert uff ere fräie Übersetzig vu dere Version vum Artikel „Marianne_Grunberg-Manago“ vu de dütsche Wikipedia. E Liste vu de Autore un Versione isch do z finde. |