Maria Veschperbild

Maria Veschperbild isch en Ortsdeil vo dr Gmeind Zeamatshausa im Landkreis Günzburg vom Regierigsbezirk Schwaabe z Bayre und e berüemte Wallfaartsort 30 Kilometer südlech vo Augschburg.

Jedes Joor pilgere es baar hunderttuusig Mönsche uf Veschperbild zum i dr Chilche vor em Bild vo dr Muettergottes en Adacht z fyre; bsunders vil chöme zum Fyrtig Maria Himmelfaart am 15. Augschte. D Bezeichnig Veschperbild isch dr dütsch Name für en Figuregruppe, wo i dr Kunschtgschicht Pietà heisst.

Sid 1650 isch am Wäg vo Zeamatshausa uf Langeneufne e Fäldchappele gstande, wo ane 1725 dur e Wallfaartschilche ersetzt worden isch. Scho im Joor 1754 het me di neui Chilche bout. Dr Hochaltar isch us em 1960i.

Nid wyt vo dr Veschperbild-Chilche isch bim Schloss Seyfridsbärg e Lourdes-Grotte, wo d Pilger bi dr Figur vo dr Maria Cherze azünde und Votivgabe ablegge.