Margret Mauthe
| Dialäkt: Zentralschwäbisch |
D Margret Mauthe (* 8. Juni 1932[1]) z Diibeng, Måesdore enn Lendlichor Hauswirdschaft, isch Autore vo viile schwäbische Biachor.
Läaba
[ändere | Quälltäxt bearbeite]D Margred Mauthe hådd glärnd ond gschaffd uff-m Lär- ond Vorsuachsguad Tachahausa bei Oborboeheng. Viir Kendor hådd-se uff d Wäld bråchd. Em Jår 1985 isch ir aersds Buach rauskomma. Ire Biachor send Sammlonga vo Gedichd ond kurze Gschichda, älle aus-m Alldag vo de oefache Leid griffa ond voolor Siduazionskomik. Viil gåd uff aeges Ärläaba mid andore Leid zrugg. Se geid mid ire volkstimmliche Beobachdonga emmor äbbes zum Schmonzla. D Margret Mauthe isch mid-m Heimatpreis vom Land Bada-Wirddabärg gärd wårda. Läaba duad-se z Neiffa-Kabbis.
Dialäggd ond Schreibweis
[ändere | Quälltäxt bearbeite]Mauthe schreibd a grundmundartlichs Zentralschwäbisch. Ir Schreibweis isch ällordengs enn sich edd ausglicha, mal sdarg ans Schrifddeidsche ãgleend, mal nåch dor schwäbischa Aussbråch, mål vormischd. S geid koen gleichmäßicha Sdiil, gleiche Werdor wärded ofd blos oe Seid weidor schao andorsd gschriiba. A Bsondorhaed isch, dass älle ihre Biachor enn Schreibschrifd druggd send; ao send-se älle illusdrird.
Biachor
[ändere | Quälltäxt bearbeite]- Room d Schublad auf. Heiteres und Besinnliches, Selbstverlag, Oberboihingen 1985, handgeschrieben von Emmerich Paar und mit Illustrationen von Manfred Dreher, 4. Aufl. 1989, ISBN 3-9802331-0-3
- Frühr ist älles anderst gwäa. Zum Nachdenken und Schmunzeln, ebd. 1986, ISBN 9-783-98023-311-8
- Mit dir lachen mit dir weinen, ebd 1986, ISBN 9-783-98023-312-5
- Arm wia Kirchamaus, ebd. 1987
- Älles woischt et. Ergötzliches und Beschauliches in schwäbischer Mundart, ebd. 1989, ISBN 3-9802331-4-6
- Dir z´lieb, Eigenverlag Neuffen-Kappishäusern 1998, mit von Illustrationen von Bettina Dierks
- Em Sonntigs, Eigenverlag Oberboihingen 1990, ISBN 3-98023-315-4
- S goht ällamol a Diarle auf, ebd. 1995, mit Illustrationen von Bettina Dreher, 2. Aufl. 1997, ISBN 3-9802331-6-2
- S goht Christdag zua, ebd. 2000, mit Illustrationen von Bettina Dierks
- Jetzt wird’s Dag, 2008, mit Illustrationen von Hermann Stark und Julia Jocham
Fuasnota
[ändere | Quälltäxt bearbeite]- ↑ Gemeindebrief der Evangelischen Kirchengemeinde Dettingen 2017 (Ausgabe ohne Nummer)