Margaret Crofoot

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

D Margaret C. Crofoot (* 1980) isch e US-amerikanisch Verhaltesforscheri un evolutionäri Anthropologi.

Lääbe un Wirke[ändere | Quälltäxt bearbeite]

D Crofoot het an dr Stanford University studiert, wu si 2001 mit em Bachelor in Humanbiology abgschlosse het, un an dr Harvard University, wu si 2003 en Master-Abschluss in Anthropology iberchuu het un 2008 promoviert woren isch. As Post-Doktorandi isch si syter 2010 am Smithsonian Tropical Research Institute z Panama gsii. Vu 2017 bis 2019 isch si Associate Professor an dr University of California z Davis gsii. Anne 2018 het si ne Humboldt-Profässur fir d Universiteet Konschtanz iberchuu. Derrt het si dr Berych Bewegigsekology uusböue un vu Fisch un Vegel uf Affe uusgwytet. Syt Juli 2019 isch si "Wisseschaftli Mitglid" vu dr Max-Planck-Gsellschaft un aini vu dr drei Diräkter*ne am 2019 grindete Max-Planck-Inschtitut fir Verhaltesbiology, mit Sitz Radolfzell un z Konschtanz.[1]

Si forscht zue dr Bewegigsmuschter zum Byschpel vu Pavian-Rudel mit GPS-Sänder un zue dr Frog, was firigi Ruggschliss mer dodrus cha zie, wie d Gruppe si entschaide. Doderby het si chenne zaige, ass es au Meehaitsentschaidige un refläxartig Verhalte git un d Bewegig nit nume vum Aafierer bstimmt wird.

Si isch Mitglid im Rot vu dr ICARUS-Initiative (International Collaboration for Animal Research Using Space) vum Martin Wikelski.

Uusgläseni Schrifte[ändere | Quälltäxt bearbeite]

  • Strandburg-Peshkin, A., Farine, D., Couzin, I., Crofoot, M. C: Shared decision making drives collective movement in wild baboons, Science, Band 348, 2015, S. 1358–1361.
  • Kays, R., Crofoot, M. C., Jetz, W., Wikelski, M.: Terrestrial animal tracking as an eye on life and the planet. Science, Band 348, 2015
  • Crofoot, M. C.: The cost of defeat: Capuchins groups travel further, faster and later after losing conflicts with neighbors. American Journal of Physical Anthropology, Band 152, 2013, S. 79–85.
  • Crofoot, M. C., Gilby, I. C.: Cheating monkeys undermine group strength in enemy territory. Proceedings of the National Academy of Sciences, Band 109, 2012, S. 501–505.
  • Crofoot, M. C., Gilby, I. C., Wikelski, M. C., Kays, R. W.: Interaction location outweighs the competitive advantage of numerical superiority in Cebus capucinus intergroup contests, Proceedings of the National Academy of Sciences, Band 105, 2008, S. 577–581.

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. lueg Syte iber d Crofoot bi www.mpg.de
Information icon.svg Dä Artikel basiert uff ere fräie Übersetzig vu dere Version vum Artikel „Margaret_Crofoot“ vu de dütsche Wikipedia. E Liste vu de Autore un Versione isch do z finde.