Marcia Haydée

D Marcia Haydée, aigetli Márcia Haydée Salaverry Pereira da Silva, (* 18. April 1937 z Niterói, Brasilie) isch e brasilianischi Dänzeri, Choreografi un Ballettdiräkteri. Si giltet as aini vu dr große Ballerine vum 20. Johrhundert.

Lääbe un Wirke

D Marcia Haydée isch z Rio de Janeiro as Dochter vun eme Dokter ufgwagse. Iri international Karriere het mit em Debüt z Rio de Janeiro anne 1953 aagfange. Noch eme meejehrige Engaschmänt bim Grand Ballet du Marquis de Cuevas isch d Marcia Haydée 1961 uf Stuegert chuu. Si het e Engaschmänt vum Generalintendant Walter Erich Schäfer am Stuegerter Ballett aagnuu, wu si unter dr Laitig vum John Cranko Primaballerina woren isch.

Dr Durbruch zum Wältruem isch ere 1962 in Romeo und Julia glunge, zäme mit em Richard Cragun. D Stuegerter Compagnie isch aini vu dr wichtigschte Ballettdruppe uf dr ganze Wält wore. Noch em Dod vum John Cranko het 1974 zerscht dr US-Amerikaner Glen Tetley d Diräktion vu dr Druppe ibernuu, 1976 isch d Haydée zur Ballettdiräkteri ernännt wore. Si het au mit andere zytgnessische Dänzer un Choreografe zämegschafft – zem Byschpel em John Neumeier, wu ire sy Ballett Kameliendame gwidmet het, un em Maurice Béjart. Z Stuegert het si dr Noowugs gferderet wie zem Byschpel dr William Forsythe, hite ain vu d wichtigschte Choreografe uf dr Wält. Si het au aigeni Choreografie zaigt: 1987 Dornröschen un 1989 Giselle. Vu 1994 bis 1996 het si näbe dr Stuegerter Ballett-Compagnie au die vu Santiago de Chile glaitet. D Marcia Haydée het anne 1996 Abschid gnuu vum Stuegerter Ballett. Syter 2002 laitet si wider s Ballett vu Santiago de Chile im Teatro Municipal, si goht mit em Ensemble wältwyt uf Tournee un zaigt jetz Danztheater. Im Merz 2009 isch d Haydée mit em Große Verdienschtchryz mitStärn uuszaichnet wore.^[1]

Si het unter anderem mit em Rudolf Nurejew, em Mikhail Baryshnikov un em Richard Cragun zäme danzt.

D Marcia Haydée het 16 Johr lang mit em Richard Cragun zämegläbt. Anne 1995 het si ire Yoga-Lehrer Günther Schöberl ghyrote.^[2]

Filmografy

Die Kameliendame. Spielfilm/Tanzfilm, Deutschland, 1987, 129 Min., Regie: John Neumeier, Produktion: NDR, Polyphon
Golgotha. Spielfilm, Deutschland, Bulgarien, 1994, 125 Min., Regie: Mikhail Pandoursky, Produktion: Pandora Film
Poem – Ich setzte den Fuß in die Luft und sie trug. Spielfilm, Literaturverfilmung, Deutschland, 2000/02, 92 Min., Regie: Ralf Schmerberg, Produktion: Trigger Happy Productions
M. for Marcia. Marcia Haydée - die Tanzlegende des 20. Jahrhunderts. Dokumentation, 2006, 52 Min., ein Film von Jean Christophe Blavier, Produktion: moving-angel GmbH (DVD)
Marcia Haydée – Das Schönste kommt noch!. Dokumentation, 2007, 45 Min., ein Film von Jean Christophe Blavier, Produktion: ZDFtheaterkanal, moving-angel GmbH, Erstausstrahlung: 3sat, 15. Dezember 2007

Publikatione

Marcia Haydée: Mein Leben für den Tanz. DVA, Stuttgart 1996, ISBN 3-421-05027-9
Marcia Haydée: John Cranko. Mit einer Einleitung von Walter Erich Schäfer. Belser, Stuttgart 1973, ISBN 3-7630-9014-2

Literatur

Cornelia Stilling-Andreoli: Marcia Haydée - Divine. Fotografien von Gundel Kilian, Henschel-Verlag, Berlin 2005, ISBN 3-89487-504-6.
Felipe J. Alcoceba, Brigitte Schneider: Dance & dancers Stuttgart Ballet. Edition Braus, Heidelberg 1997 [Ausstellung der Württembergischen Landesbibliothek in Zusammenarbeit mit dem Stuttgarter Ballett aus Anlass des Stuttgarter Ballett-Festivals: Hommage à John Cranko und des Projekts "TanzRegion" der KulturRegion Stuttgart 1997 vom 24. September bis 23. Dezember 1997], ISBN 3-89466-205-0
Maurice Béjart, Rainer Woihsyk (Hrsg.): Marcia Haydée. Belser, Stuttgart, Zürich 1987, ISBN 3-7630-9041-X.
Hannes Kilian: Stuttgarter Ballett. Auf neuen Wegen. Kunstverlag Weingarten, Weingarten 1981, ISBN 3-921617-45-6.
Hannes Kilian, Heinz-Ludwig Schneiders, Horst Koegler, John Percival: Marcia Haydee. Porträt einer großen Tänzerin. Thorbecke Verlag, Sigmaringen 1975, ISBN 3-7995-2002-3.

Weblink

Marcia Haydée in dr Internet Movie Database
Marcia Haydée bi filmportal.de
Adriane von Hoop: Marcia Haydée. FemBio, Frauen-Biographieforschung e.V. 10. April 2017

Fueßnote

↑ Bundespräsidialamt: Bekanntgabe der Verleihungen des Verdienstordens der Bundesrepublik Deutschland vom 1. April 2009.
↑ Die Maria Callas des Tanzes, 3sat-Sändig „Kulturzeit“, 6. Juni 2007

Dä Artikel basiert uff ere fräie Übersetzig vu dere Version vum Artikel „Marcia_Haydée“ vu de dütsche Wikipedia. E Liste vu de Autore un Versione isch do z finde.

[1] Bundespräsidialamt: Bekanntgabe der Verleihungen des Verdienstordens der Bundesrepublik Deutschland vom 1. April 2009.

[2] Die Maria Callas des Tanzes, 3sat-Sändig „Kulturzeit“, 6. Juni 2007

[1]

[2]