Marc Dietrich
Marc Dietrich (* 1948 z Bärn)[1], alias Cuco, eigentlich Marcel Dietrich[1], isch en Schwiizer Sänger. Er isch bis 1981 Mitgliid vo de Gruppe Peter, Sue & Marc gsi.
Läbe
[ändere | Quälltäxt bearbeite]De Marc Dietrich hät de Peter Reber i sinere Jugend känneglernt. De Marc Dietrich isch Schlagzüger gsi und hät mit em Peter Reber zämme in enere Beatband gspilt, wo 1963 und 1964 im Bärner Mattequartier bi Tanzobige ufträtte isch. De Marc Dietrich hat im 1968 d Sue Schell am ene Fescht känne glernt und hät si spöter am Peter Reber vorgstellt. Das isch dä Aafang vom bekannte Trio Peter, Sue & Marc worde.[2] Mit dem Trio isch der Marc Dietrich 1971, 1976, 1979 und 1981 für d Schwiz bim Eurovision Song Contest auftrette. 1981 hät sich die Gruppe ufglöst.
De Marc Dietrich hät nachedher äs Wiigschäft i de Berner Altstadt ufdo. Das Geschäft hät er spöter zugunste von ere Aastellig als Ligeschaftsverwalter in ere Immobiliefirma gschlosse. 2005 hät de Marc Dietrich en Herzinfarkt gha. Ebeso hät er nachträglich wiiterhi Problem mit sinere Gsundheit gha und hät einigi Mol müässe am Rücke operiert wärde. Ufgrund emene Burnout-Syndrom hät er schliesslich sini Schtäll bi de Immobiliefirma verlore. Er hät wärend siniere Arbeitslosigkeit freiwillig d Strasse vo Bärn putzt und isch für das spöter sogar vo de Stadt aagstell worde.[3]
De Regisseur Mirco Vogelsang hät am Marc Dietrich 2012 im Musical „Alperose – Das Musical“ s Come-back ermöglicht und er hät d Rolle vom Stammtisch-Kumpel Heiri übercho. Sit 2014 spillt er jetzt im historische Freiliecht-Theater „1476“ dä Soldat Wilhelm.[4]
Nachwiis
[ändere | Quälltäxt bearbeite]- ↑ 1,0 1,1 Lebenslauf auf IMDB
- ↑ hitparade.ch: Interview mit Peter Reber.
- ↑ Jürg Spori: Marc Dietrich mit dem Gastro-Bären ausgezeichnet. I: Bärner Zytig. 1. September 2009.
- ↑ Porträt uf 1476.ch. Archiviert vom Original am 26. Februar 2014; abgruefen am 19. Februar 2014.