Mangup-Kale

Us der alemannische Wikipedia, der freie Dialäkt-Enzyklopedy
Mangup-Kale
Мангуп-Кале
Мангуп-Кале
Manğup Qale
Region uf dr Krim: Bachtschisaraj
geographischi Koordinate: 44° 35′ 0" N, 33° 48' 0" O
Höchi: 584 m
Zittzone: MSK: UTC +3
Mangup-Kale (Krim )
Mangup-Kale
Mangup-Kale

Mangup-Kale oder Mangup (ukr. Мангуп-Кале, Manhup-Kale; russ. Мангуп-Кале, Mangup-Kale, krimtat. Manğup [ˈmanɣup]) isch e historischi Stadt uf de Krim und isch de Hoptort vo de Krimgote gsii.

D Stadt litt ufeme Tafelberg mit drai Uusloifer und staile Felswänd, wo e natürlich Schutz botte hend. De Ort isch wasserriich und wiist nüü Quelle uuf.

Gschicht[ändere | Quälltäxt bearbeite]

Mangup-Kale vom Tal uus gsie

Di ältiste archäologische Spuure datiered is 5. Joorhundert und s Gräberfeld us dere Zitt zaigt alano-gotischi Eliment. De Ort, wo dozmol Dory oder Doros (Δόρυ, Δόρος) ghaisse het, isch denn vom Chaiser Justinian I. (482-565) bifestigt wore, wa vo de Archäologii bistätigt werde cha.

Ane 785 sind d Krimgote vo de Chasare underworfe wore. D Stadt isch drufabe noi bifestigt wore und ab de Mitti vom 9. Jh. het si d Oberherschaft vo de Chasare abwerfe chöne. De Ort het aber im Lauf vo de Zitt immer mee a Bidüttig verlore.

1361 het de Hekatontarch Chuïtani (Χουϊτάνες) d Zitadelle vo Mangup-Kale noi bifestigt und Theodoro (Θεοδωρώ), wie de Ort dozmol ghaisse het, isch denn de Hoptort vom krimgotische Förstetum Theodoro wore und de Först Alexios het d Stadt uusbaut.

1475 hend d Osmane Theodoro/Mangup underem Heerfüerer Gedik Ahmed Pascha sechs Mönet lang bilageret und denn im Dezember iignoo. Mangup isch zumene Zentrum vomene Verwaltigsbezirk wore. 1493 isch im e Grossbrand d Stadt zumene grosse Tail aabebrennt, doch het de Tzula, osmanisch Verwalter vo Mangup, 1503 d Stadtmuure ernoiert. Ane 1520 hend z Mangup 935 Mensche glebt, 460 Grieche, 252 jüdischi Karaime, 188 Muslim und 35 Armenier, aber d Bivölkerig het nodisno abgnoo.

1774 isch Mangup zum Krimchanat choo und 1783 zu Russland. Drufabe hend d Karaime de Ort verloo und d Synagoge isch echli spööter gschlisse wore. Im 19.Jh. isch de Ort i uufgee wore und verfalle.


Lueg au[ändere | Quälltäxt bearbeite]

Externe Link[ändere | Quälltäxt bearbeite]

Mangup-Kale bim Römisch-Germanische Zentralmuseum