Mamod
| Dialäkt: Bärndütsch |
Mamod isch e britische Spiilzüüghärsteller, wo sech uf d Härstellig von Ächtdampfmodeu spezialisiert het. Ds Unternäme isch 1937 in Birmingham von Geoffrey Mains gründet worde.
Der Name isch es Kunstwort bestehend us de Afangsbuechstabe vo Malins Models. Malins het mit der Härstellig von stationäre Modäu-Dampfmaschine agfange, die unter em Markename Hobbies verchouft worde si. Aber scho baud het er se unter em Markename Mamod afa verchoufe.
Die erschte härgschteute Modäu si stationäri Modeudampfmaschine gsii. Später het das Unternäme ou mit der härschteuig von Modäu vo Dampfwauzine, Zugmaschine wie Dampftraktore u Lokomobil, Dampfwäge u anderi Dampfstrassefahrzug agfange. Aui Modäu si für e Spiilzüügmarkt bestimmt. Drum si sie eifach z bediene u loufe us Sicherheitsgründ mit emene nidrige Chessudruck. E si dämzufoug nid würklech massstabsgetreui Modäu.
Die meischte Mamod Modäu si mit ere eifach würkende, aber effiziänte, ozillierende Zylinder usgrüschtet.
Die am Afang härgschteuti Modäu hei Merfachdocht-Petroubrönner oder Spiritusbrönner gha. Aber Mitti der 1970er Jahr het ds Unternäme uf Hexamin-Festbrönnstoff umgsteut, die unter em Markename Esbit oder unter em Begriff META Tablette bekannt si, u wies de Name seit i Tabletteform gliferet wärde u Wärmi i ere relativ sichere Form lifere.
Mamod Spiilzüügysebahn
[ändere | Quälltäxt bearbeite]Ändi 1979 het Mamod sini Spiilzüügysebahn i Handu bracht, d Ächtdampfloki SL-1 zäme mit emene chline Sortimänt a Güeter- u Personewäge u dezu ghörende Schine. D Spiilzüügysebahn entspricht em Brittische 16 mm scale on SM-32 gauge track, die mit der Europäische Spur IIe vergliichbar isch. Es handlet sech um e Schmalspurbahn ohni konkreti Vorbiuder, die aber bim Vorbid e Spurwiiti von 600 oder 610 mm hei.
Weblinks
[ändere | Quälltäxt bearbeite]
Commons: Mamod – Sammlig vo Multimediadateie