d’ Magdalenakàpall z’ Remiremont
| Dialäkt: Mìlhüüserdiitsch |
D’ Magdalenakàpall (frànzeesch chapelle de la Madeleine) ìsch a ehamààliga reemisch-kàthoolischa Läpralàzaräätskàpall z’ Remiremont ìm Vogeesa-Département ìm Lothrìnga. Sa hàt ùnter’m Pàtrozinium vù dr Maria Magdalena gschtànda ùn schteht zitter 1991 àls histoorisch Dankmol ùnter Dankmolschutz.
wù ’s ìsch[ändere | Quälltäxt bearbeite]
D’ Magdalenakàpall lìegt bii Route de Bussang süüdäschtlig vum Schtàdtkarn vu Remiremont, grààd àn dr Granz züa Saint-Étienne-lès-Remiremont. Sa schteht àm Place Alix-Le-Clerc, wo noh dr iihaimischa kàthoolischa Seeliga-n-Alix Le Clerc bnännt ìsch. Vor àn dr Kàpall ìsch a Pàrkplàtz.
Gschìcht[ändere | Quälltäxt bearbeite]
Ìm 8. Joohrhundert hàt dr hl. Romaric, dr zwaita-n-Àbt vù Remiremont, a pààr läprakrànka Maidla ìn a Zälla bii dr Àbtai verainzelnt. Ar hàt ìhna verboota, zamma mìt da Àbtinna z’ laawa.[1]
Ìm Mìttelàlter ìsch d’ Magdalenakàppal s’ Hàuiptgebäi vu’ma Lepralàzaräät gsìì. Bàuia worra-n-ìsch sa gmaasig em Drìtta Làterànkonzil (1178). Sa ìsch ànna 1645 zärschteert worra ùn ìsch vù dr Antoinette Maillot, dr Wìtwa vùm Adam de la Madelaine, wìeder ùffbàuia worra. S’ hìttiga Gebäi schtàmmt vùm 17. un 18. Joohrhundert. Àls Schutzpatroona hàt maa d’ Maria vù Magdala gwählt, wial sa a Sìnnbìld vù dr Ainsààmkait gsìì-n-ìsch. Tràdizionäll ìsch sa d’ Schutzpàtroona vù da Sailer gsìì —daa Berüaf hann d’ Läprakrànka-n-oft üüsiawt. D’ Magdalenakàpall vù Remiremont ìsch s’ ainziga Lepralàzaräätsgebäi üss dr zwaita Läpraversöichung ìm Lothrìnga, wo ’s noch hìtt gìtt.
Àm 24. Janner 1946 ìsch d’ Schtätta-n-ùm d’ Kàpall àls Schutzgebiat (site inscrit) glischtet worra.[2] Dur a Verordnung vùm 16. Jüüli 1991 ìsch d’ Kàpall ùffs frànzeescha Züasatzliga Verzaichniss vu da histoorischa Dankmooler iitrajt worra.
Bschriiwung vum Gebäi[ändere | Quälltäxt bearbeite]
Ìm Ìnnera-n-ìsch a Schtaikriiz vùm Joohr 1661 z’ fìnda. Dr ghàuijta-n-Àltàrùffsàtz hàt amol a Holzschtàtüüta vùm 18. Joohrhundert ghàà; maa hàt àwwer sìe vorsìchtshàlwer àwaggnumma. D’ Schtàtüüta Le Ravissement de sainte Magdeleine („d’ Glìcksaaligkait vù dr Magdalena“) zaigt d’ Magdalena mìt ìhra lànga blonda Hààra, wo vù viar Angel ìn dr Hìmmel düet ùffgnumma wara.[3]
D’ bunta Fanschter üss’m 16. Joohrhundert[4] schtànda-n-àls Objakter unter Dankmolschutz.[5]
-
d’ Kàpall vùm Nordwäschta-n-üss gsah -
d’ Wäschtfàssààda mìt’m Hàuiptiigàng -
dr Hàuiptiigàng -
dr Nordiigàng -
Schtaikriiz vor àm Nordiigàng -
Owertail vùm Schtaikriiz -
a Fanschter àn dr Nordfàssààda
Weblìnks[ändere | Quälltäxt bearbeite]
Commons: Magdalenakàpall z’ Remiremont – Sammlig vo Multimediadateie- d’ Magdalenakàpall vu Remiremont ìn dr Mérimée-Dàtabànk vum Frànzeescha Kültüürminìschterium (frànzeesch)
Ainzelnoohwiisa[ändere | Quälltäxt bearbeite]
- ↑ Comment l'Europe au Moyen Age se protégea contre la lèpre – Rapport présenté au VIIIème Congrès international d'Histoire de la Médecine à Rome. September 1930, S. 15 (französisch, mom.fr [PDF; abgerufen am 20. August 2022]).
- ↑ Liste des servitudes : monuments historiques, sites protégés au titre du code de l'environnement, ZPPAUP, secteur sauvegarde. (pdf) Frànzeesch Kültüür- ùn Kommünikàzioonsminìschterium, DRAC Lothrìnga, September 2013, archiviert vom Original am 3. April 2018; abgruefen am 20. August 2022 (französisch).
- ↑ Marie-Madeleine : fiche thématique. (pdf) Musée de l’image d’Épinal, S. 41, archiviert vom Original am 3. April 2018; abgruefen am 20. August 2022 (französisch).
- ↑ Bernard Puton: La léproserie de la Magdeleine-les-Remiremont. In: Bulletin de la Société philomatique vosgienne. 1903, S. 325 (französisch).
- ↑ Verrière (Nr. IM88000014) ìn dr Palissy-Dàtabànk vum frànzeesch Kültüürminìschterium. Àbgrüafa-n-àm 20. Àuigscht 2022 (frànzeesch).
|
Dä Artikel basiert uff ere fräie Übersetzig vu dere Version vum Artikel „Chapelle_de_la_Madeleine_de_Remiremont“ vu de französische Wikipedia. E Liste vu de Autore un Versione isch do z finde. |
Koordinate: 48° 0′ 28,9″ N, 6° 36′ 25,9″ O