MFO-Park
Der MFO-Park isch en öfentleche Park im Stadtdäil Öörlike vo Züri.
Der Naame vom nöie Gländ erinneret a die ehemoligi Maschinefabrigg Öörlike, wo dört sid em nüünzääte Joorhundert, vo 1876 aa, und bis as Ändi vom zwänzigschte Joorhundert gstanden isch.
Der eerscht Deil vom Stadtpark isch 2002 ganz modärn gstaltet worde. Uf em freie Ruum stoot es grosses Grüscht us Metallelimänt, es isch hundert Meter läng, 35 Meter breit und 17 Meter hööch. Die Dimänsion zäigt öpe d Gröössi vom alte Fabrigggeböid, wo döört gsi isch. I der Ysekonstrukzioon dinne het’s Stägen und Balköön und es wachse Pflanze druff. Vo ganz obe het me en schööni Uussicht uf dä Deil vo der Stadt Züri.
Für dä Park het’s es bar Pryys ggää:
- der öiropäisch Gartepryys, 2010
- d Uuszeichnig für gueti Bouwärch vo Züri, 2006
- der Play & Leisure Award, 2004
- e Würdigung vom Düütsche Landschaftsarchitekturpryys, 2003
- der public design-Pryys, 2003
Literatur
[ändere | Quälltäxt bearbeite]- Yvonne Aellen et al.: Parkanlagen in Neu-Oerlikon: Oerliker Park, MFO-Park, Louis-Häfliger-Park, Wahlenpark, Gustav-Ammann-Park. Grün Stadt Zürich (Hrsg.), Zürich 2004.
Weblink
[ändere | Quälltäxt bearbeite]
Commons: MFO-Park – Sammlig vo MultimediadateieKoordinate: 47° 24′ 43,9″ N, 8° 32′ 25″ O; CH1903: 683142 / 251846