Lynn Blenckers
| Lynn Blenckers | |
| Porträt | |
|---|---|
| Geburtsdag | 9. Septamber 1994 |
| Geburtsort | Vierlingsbeek, Nììderlànd |
| Greßi | 1,88 m |
| Position | Mìttelblock |
| Verain | |
bis 2012 2012–2015 2015–2018 2018–2019 2019–2020 2020–2022 sitter 2022 |
 VC Avance Somas Activia Summa Peelpush Flynth Flamingos Hermes Volley Ostende Ladies in Black Ààcha Saint-Raphaël Var Pays d’ Aix-Venelles
|
| Nationalmannschaft | |
| Nììderlànd U–20
| |
| Erfolg | |
| 2013/14 2018/19 2021/22 |
Drìtta ìn dr nììderl. Maischterschàft Zwaita ìm nììderl. Pokààlwättbewarb belgischa Pokààlsiigera belgischa Vìzamaischtera Drìtta ìn dr frànz. Maischterschàft |
|
Stand: 8. Juni 2020 | |
| Dialäkt: Mìlhüüserdiitsch |
D’ Lynn Blenckers (* 9. Septamber 1994 z’ Vierlingsbeek, Gmainda Boxmeer, Noord-Brabant[1]) ìsch a nììderlandischa Volleybàllschpììlera, wo àls Mìttelblockera schpììlt. Ìn Belgia-n-ìsch sa Pokààlsiigera un Vìzamaischtera worra. Sitter 2022 schteht sa biim frànzeescha Verain Pays d’ Aix-Venelles VB unt’r Vertrààg.
ìhra Kàrriar[ändere | Quälltäxt bearbeite]
D’ Blenckers hàt ìhra Kàrriar biim VC Avanche ìn ìhrer Haimetgmainda Boxmeer ààgfànga. Doo druff hàt sa biim Somas Activia ìn dr Nochbergmainda Sint Anthonis gschpììlt.[2] Ànna 2012 ìsch sa ìn dr Verain Summa Peelpush gànga ge gschpììla; doo ìsch sa dräi Joohra làng blììwa. Ìn dr äärschta Schpììlzitt mìt’m Verain ànna 2012/13 ìsch sa uff Plàtz 5 vu dr nììderlandischa Eehradiwisioon ànakumma. Ànna 2013/14 ìsch sa mìt dr Verainmànnschàft Drìtta ìn dr Eehradiwisioon un Zwaita ìm Nììderland-Pokààlwättbewarb worra. Ìm Joohr druff ìsch d’ Mànnschàft numma-n-uff Plàtz 6 vu dr Eehradiwisioon ànakumma.
Vu 2015 bis 2018 ìsch d’ Blenckers bii da Flynth Flamingos gsìì. Ìn dr Saison 2015/16 hàt sa mìt dr Verainsmànnschàft ìn dr nììderlandischa Top-Diwisioon —àlso d’ zwaitheechschta Liiga– gschpììlt un ìsch doo uff Plàtz 1 ànakumma. Ìm Joohr druff ìsch dr Verain Fìmfta bii dr Eehradiwisioon worra. Ànna 2017/18 ìsch d’ Mànnschàft uff Plàtz Àcht gsìì.
Ànna 2018 ìsch d’ Blenckers ìn dr belgischa-n-Äärschtligìschta Hermes Volley Oostende gànga ge schpììla. Mìt dara Mànnschàft hàt sa ìn dr Saison 2018/19 dr nàzionààla Pokààl gwunna; ìm Pokààlwättbewarb ìsch d’ Blenckers sowohl àls Bäschta Blockera wia àui àls Bäschta Mìttelblockera üsszaichent worra. Ìm gliicha Johr ìsch sa mìt dr Verainsmànnschàft belgischa Vìzamaischtera worra. Üsserdam hàt sa àm öiropäischa Challenge Cup 2018/19 mìtgmàcht, wu d’ Mànnschàft uff Plàtz 9 ànakumma-n-ìsch. Ànna 2019 hàt d’ Blenckers a Vertrààg biim diitscha Bundesligìschta Ladies in Black Ààcha unterzaichent.[3] Ìn dr Saison 2019/20 ìsch sa mìt Ààcha jewills ìn d’ Viartelfinààla vum DVV-Pokààl un vum Challenge Cup ànakumma. Wu d’ Bundesliga-Saison waga dr COVID-19-Pàndemii àbgebrocha worra-n-ìsch, sìnn d’ Ladies in Black uff Plàtz Sììwa gsìì.
Ànna 2020 ìsch d’ Blenckers ìn dr süüdfrànzeescha Verain Saint-Raphaël Var gànga ge schpììla.[4] Mìt dam Verain ìsch sa ànna 2020/21 uff Plàtz 10 bii dr Nàzionààlmaischterschàft ànakumma. Ànna 2021/22 ìsch sa Sììbta ìn dr Nàzionààlmaischterschàft worra un ìsch àls „Bäschta-n-Uffschlaagera“ vu dr Ligasaison üsszaichent worra. Ìm saalwa Joohr ìsch d’ Verainsmànnschàft Drìtta ìm Frànkrììch-Pokààlwättbewarb worra. Ìm Jüüni 2022 hàt d’ Blenckers a Vertrààg biim frànzeescha Ligakonkürrant Pays d’ Aix-Venelles unterzaichent.[5]
Weblìnks[ändere | Quälltäxt bearbeite]
- Profil biim Öiropäischa Volleybàll-Verbànd CEV (uff Anglisch)
- Profil ìn dr Dàtabànk vu Volleybox (uff Hoochdiitsch)
Ainzelnoohwiisa[ändere | Quälltäxt bearbeite]
- ↑ Volleybalster Lynn Blenckers vertrekt naar België. In: Eindhovens Dagblad. 9. Februar 2018, archiviert vom Original am 1. Juli 2019; abgruefen am 24. Oktober 2022 (niderländisch).
- ↑ Profil bii da Flynth Flamingos (Memento vom 1. Juli 2019 im Internet Archive) (nììderlandisch)
- ↑ Neue Mittelblockerin heißt Lynn Blenckers. In: Aachener Nachrichten. 1. Juli 2019, archiviert vom Original am 27. Juli 2021; abgruefen am 24. Oktober 2022.
- ↑ Juul van Loon: Volleybalster Blenckers verkast naar Zuid-Franse topclub. In: De Gelderlander. 28. April 2020, archiviert vom Original am 5. Februar 2021; abgruefen am 24. Oktober 2022 (niderländisch).
- ↑ Officiel : Lynn BLENCKERS signe au PAVVB ! Paix d’Aix-Venelles Volley-Ball, Juni 2022, archiviert vom Original am 22. Oktober 2022; abgruefen am 24. Oktober 2022 (französisch).
|
Dä Artikel basiert uff ere fräie Übersetzig vu dere Version vum Artikel „Lynn_Blenckers“ vu de hochdütsche Wikipedia. E Liste vu de Autore un Versione isch do z finde. |