Louis Parisot (Politiker, Vogesa)

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dialäkt: Mìlhüüserdiitsch

Dr Louis Parisot (* 30. Àuigscht 1831 z’ Rùmbari, Département Vogesa; † 2. Hornung 1915 z’ Le Thillot, Vogesa) ìsch a frànzeescher Àrzt un Politiker gsìì. Ar ìsch vu 1876 bis 1884 Bìrgermaischter vu Le Thillot gsìì, un Senàtoor vu dr Drìtta Frànzeescha Repüblik vu 1896 bis 1909.

siina Làuifbàhn[ändere | Quälltäxt bearbeite]

Dr Louis Parisot ìsch ànna 1831 z’ Rùmbari-n-uff d’ Walt kumma, a klaina lothrìngischa Schtàdt ìm Département Vogesa. Ar hàt Medizin àn dr Üniwärsiteet vu Pàris gschtudiart, wu-n-’r ìm Mai 1856 a Doktorwìrda bschtànda hàt, mìt’ma Àrwet um d’ Mìlchzehnla. Drnooh ìsch’r Àrzt z’ Le Thillot ìm vogesischa Mìttelgebìrg gsìì. Ma hàt gsajt, àss’r a güater Àrzt gsìì-n-ìsch;[1] ar hàt d’ Ìmpfung bfärdert un hàt àui äbbis gschrìewa um d’ Kìnderschutz gega Krànkhaita.

Dr Parisot ìsch ìwwerziagter Repüblikàner un a Frììnd vum bekànnta Politiker Jules Ferry gsìì. Ànna 1871 ìsch’r Bezirksroot vu Rùmbari worra; ìm Bezirksroot ìsch’r àui Vorsìtzender gsìì. Vu 1876 bis 1884 ìsch’r Bìrgermaischter vu Le Thillot gsìì. Wu dr Jules Ferry ànna 1893 gschtoorwa-n-ìsch, ìsch dr Parisot sii Noohfolger worra àls vogesischer Generàlroot üss’m Kàntoon Le Thillot. Dàs Àmt hàt’r bis 1904 üssiawt. Züadam ìsch’r ìn siim Kàntoon Schtällvertratter vum Frìedensrìchter gsìì.

Wu dr Senàtoor Christian Kiener gschtoorwa-n-ìsch, ìsch ìm Vogesa a Nàchwàhl gsìì. Doo drbii ìsch dr Parisot mìt 567 Schtìmma àls ìm Kiener sii Noohfolger ìm Senàt gwählt worra.[2] Ìm Senàt ìsch’r àb’m 21. Jüüni 1896 gsìì. Ar ìsch Mìtglìed ìn dr Fràkzioon vu dr Repüblikànischa Unioon gsìì. Ìm Joohr 1900 ìsch’r wìedergwählt worra. Ìm Senàt hàt dr Parisot zàhlriicha Bìttschrìfta vu Schtààtsbeàmter un Gschaftslitt vorgschtällt. Drzüa ìsch’r Vorsìtzender gsìì vu’ma Üssschuss, wo d’ frànzeescha Generàlroot umgschtällt hàt. Àn dr Wàhl vu 1909 hàt sìch dr Parisot nìt uffgschtällt un ìsch üss dr Politik z’rucktratta.[1] Siina lätschta Laawesjoohra hàt’r z’ Le Thillot verbrocht. Doo ìsch’r àm 2. Hornung 1915 gschtoorwa, ìm Àlter vu 83 Joohra.[1]

Dr Parisot ìsch Offiziar vum Oorda vu da àkademischa Pàlma gsìì. Ànna 1895 ìsch’r Rìtter vu dr Eehralegioon worra. Naawadràà ìsch’r Mìtglìed ìm Pàriser Vogeser-Verain gsìì.

Z’ Le Thillot ìsch a Schtrooss noh-n-ìhm gnännt.

Lìteràtüür[ändere | Quälltäxt bearbeite]

  • Louis Parisot. In: Jean Jolly (Hrsg.): Dictionnaire des parlementaires français : notices biographiques sur les ministres, députés et sénateurs français de 1889 à 1940. Presses Universitaires de France, 1960 (französisch).
  • Albert Ronsin: Parisot (Louis). In: Albert Ronsin (Hrsg.): Les Vosgiens célèbres : dictionnaire biographique illustré. G. Louis, 1990, ISBN 978-2-907016-09-4 (französisch, ecrivosges.com [abgerufen am 27. November 2021]).
  • Parisot Louis. In: Henri Jouve (Hrsg.): Dictionnaire biographique des Vosges. 1897 (französisch, ecrivosges.com [abgerufen am 27. November 2021]).

Weblinks[ändere | Quälltäxt bearbeite]

Ainzelnohwiisa[ändere | Quälltäxt bearbeite]

  1. 1,0 1,1 1,2 Savez-vous quel médecin né à Remiremont fut sénateur en 1896 ? In: Vosges Matin. 30. Dezember 2020, archiviert vom Original am 2. Januar 2021; abgruefen am 27. November 2021 (französisch).
  2. Chronique histoire des Vosges 1876 - 1900. In: Une autre histoire. Abgruefen am 27. November 2021 (französisch).