Lina Stöhr

Us der alemannische Wikipedia, der freie Dialäkt-Enzyklopedy

D Lina Stöhr (* 1872 z Farndao, † 1938 (Ord obekannd)) isch a Dichdore vo viile humorvolle schwäbische Gedichd gwäa, zo iror Zeid em Wirddabärgischa weid bekannt ond gärn gläasa. Ire Biachor send älle enn zwåe odor mae Ufflaga druggd wårda.

Läaba[ändere | Quälltäxt bearbeite]

Ibor ir Läaba isch wenich bekannd. Uffgwaggsa isch-se enn Farndau, haed on Sdadddåel vo Gebbeng. S geid koen Nåchlass, aus demm-mor äbbes rausfenda kẽd. Gheiraded håd se nåch Sduagord; ob se nåch-m Daod vo irem Mã widor nåch Farndau zrugg isch, sich obekannd. D Sdadd Gebbeng hådd enn Farndau emma Wäag irn Nãma gäa. Ir Gedichd "Frauen heraus", dees må-se 1933 en dor Ãfangszeid vom Dridda Reich rausgäa hådd, wird ällordengs kritisch gsäa.[1]

Dialäggd ond Schreibweis[ändere | Quälltäxt bearbeite]

D Lina Stöhr schreibt emm middlschwäbischa Dialäggd. Ir Schreibweis isch ans Schrifddeidsche ãgleend. Se schreibt wia viile andore ao s donggle "a" [ɒ:] als "o". Må-mor schwäbisch "ä" sdadd hochdeidsch "e" schwäzzd, schreibd-se zmaesd "e", so z. B. "gwea" ['gvɛɐ̯͂] firr hochdeidsch "gewesen".

Biachor[ändere | Quälltäxt bearbeite]

  • Hoimetkläng. Schwäbische Gedichte, Selbstverlag, Stuttgart 1924; 2. Aufl. Verlag Theo Steiner, Stuttgart-Botnang 1925, weitere Aufl.: Verlag Alfred Bonz, Stuttgart 1943 und 1948, Knödler-Verlag Reutlingen 1978, ISBN 3-87421-073-1
  • Herzkirscha. Schwäbische Gedichte, Verlag Theo Steiner, Stuttgart-Botnang 1925
  • Hagabutza. Schwäbische Gedichte, Stuttgart 1927; 2. Aufl. Verlag Theo Steiner, Stuttgart-Botnang (ohne Jahresangabe)
  • Katzawedel. Gedichte in schwäbischer Mundart, Verlag Bonz, Stuttgart 1930
  • Grad zum Possa!, Verlag Adolf Bonz, Stuttgart, 2. Aufl. 1936, 3. Aufl 1943;
  • Zum Dachlada naus, Verlag Alfred Bonz, Stuttgart 1936
  • Grad zum Possa!. Schwäbische Gedichte, (Neuausgabe im Knödler-Verlag, Reutlingen 1978, enthält „Grad zum Possa“ und „Zum Dachlada naus“), ISBN 3-87421-072-3

Quella[ändere | Quälltäxt bearbeite]

  1. Stuttgarter Zeitung vom 21.08.2010, https://www.gruene-fraktion-goeppingen.de/fileadmin/gruene-fraktion-goep/Faurndau/2010_08_21_NWZ_Faurndau_Mundart_Dichterin.pdf