Lidice

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
S Gländ, wo s Dorf emol gstande isch

Lidice (tschechisch [lɪɟɪtsɛ], dütsch Liditz) isch e Gmäind im Okres Kladno in Tschechie. Si lit fümf Kilometer östlig vo Kladno und 20 km westlig vo Prag in dr Middelböömische Regioon. Wääred em Zwäite Wältchrieg häi z Lidice 1942 d Sicherhäitsbehörde vo dr nazionalsozialistische Bsatzigsmacht fast alli männlige Iiwooner ermordet und s Dorf zerstöört. Das isch as Däil vo de Raacheaktioone noch em Aaschlaag uf e Reinhard Heydrich 1942 bassiert. Noch em Chrieg isch Lidice 300 Meter vom alte Ort äwägg nöi ufbaut worde. Am Blatz vom früejere Lidice befinde sich hüte e Gedänkstatt und e Museum.