Li Wenliang

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Dr Li Wenliang, chineesisch: 李文亮, wo am 12. Oktober 1986 z Beizhen uf d Wält choo und am 7. Februar 2020 z Wuhan gstoorben isch, isch e chineesische Dokter gsi.

Er het z Wuhan Medizin studiert und bim Zäntralspital vo dere Metropoole gschaffet.

Sy Name isch uf dr ganze Wält bekannt woorde, wil er änds 2019 es paar Koleege über en nöiartigi Lungechranket informiert het, wo denn gly ganz vill Lüüt agsteckt het, und will iim die chinesische Behörde scharfi Vorwürf gmacht hend drwäge; er schüüri i dr Aart vom ene «Whistleblower» öfentlichi Unrue, vrbräiti faltschi Noochrichten und sig tschuld an ere sozialen Unsicherhäit. Drby het me halt de chly spööter doch gmerkt, die Chranket, wo vom früener nit bekante Virus SARS-CoV-2 chunt, het sich i dr Regioon Wuhan un dr ganze Provinz Hubei scho so wyt vrbräitet, ass mee weder achzgtuusig Lüüt chrank worde sind. Und im Februar 2020 isch drvo die wältwyti COVID-19-Pandemy woorde.

Dr Li Wenliang isch sälber au vom Virus infiziert woorden und im Alter vo Drüedryssgi a dr Lungenenzündig gstoorbe.