Landesamt fir Geology, Raustoff un Bärgböu

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Hauptgebei vum LGRB

S Landesamt fir Geology, Raustoff un Bärgböu (dt. Landesamt für Geologie, Rohstoffe und Bergbau, LGRB) isch di zäntral geowisseschaftlig un bärgböuölig Beherde (Bärgbeherde) vum Land Bade-Wirttebärg.

Gschicht[ändere | Quälltäxt bearbeite]

Anne 1832 sich dr badisch Minischterialbeamte un Verwaltigsjurischt Wilhelm Ludwig Dietz im Zug vun ere Reorganisation vum Forschtwäse im Großherzogdum Bade zum Diräkter vu dr nei gschaffene Landesbeherde Verainigte Forscht un Bärgwärch gruefe wore, wu d Ufsicht ghaa het iber di Hyfe Bärgwärch im Schwarzwald un Odewald un au iber di badisch Oberforschtdiräktion, wu in däm Schritt zuen ere Mittelbeherde woren isch.[1] Noofolger no sym Dod 1837 isch dr Minischterialbeamte Gustav Adolph von Rutschmann wore. Anne 1888 isch dr Harry Rosenbusch zum Diräkter vu dr Großherzoglige Badische Geologische Landesaaschtalt ernännt wore. As erschti Landesgeologe het er dr Adolf Sauer (1852–1932) un dr Ferdinand Schalch ins Amt gruefe. Bis zum Zweete Wältchrieg sin dr Carl Schnarrenberger un dr Walter Hasemann Diräkter gsii.

S LGRB isch im Juli 1998 dur d Zämelegig vu dr Landesoberbeherde Geologisches Landesamt (GLA) mit em Landesbergamt (LBA) bildet wore. Syt di bade-wirttebärgisch Verwaltigsreform zum 1. Jänner 2005 in Chraft drätten isch, isch s LGRB e Abdailig im Regierigspresidium Fryburg. As Abdailig 9 het s e Sunderstellig un isch näb em Regierigsbezirk Fryburg au fir d Regierigsbezirk Charlsrue, Stuegert un Dibenga zueständig.

Ufgabe[ändere | Quälltäxt bearbeite]

S Landesamt hebt, dokumäntiert, verschafft un wärtet Date iber dr geologisch Untergrund vu Bade-Wirttebärg mit samt em Grundwasser un dr mineralische Raustoff. D Informatione stellt s em Staat, dr Wisseschaft, dr Wirtschaft un dr Burger*ne z Veriegig.

Gebei[ändere | Quälltäxt bearbeite]

S Amt het sy Sitz z Fryburg in drei Gebei. Näb em Hauptgebei sin anderi Berych in eme Gebi unterbrocht, wu anne 1896 as Mannschaftsgebei vu dr Erbgroßherzog-Friedrich-Kasärne böue woren isch[2] un zwische Merz 2008 un Februar 2010 umböue un saniert woren isch.

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. Erhard Schuster: Wald und Holz. Daten aus der Geschichte der Nutzung und Bewirtschaftung des Waldes, der Verwendung des Holzes und wichtiger Randgebiete, Band 2: 1831–1860, Verlag Dr. Kessel, Remagen-Oberwinter 2005 ISBN 3-935638-63-9
  2. Freiburg: Alles unter drei Dächern, Badische Zeitung, 24. April 2010, Zugriff am 28. Mai 2011

Koordinate: 48° 0′ 2″ N, 7° 51′ 8″ O

Information icon.svg Dä Artikel basiert uff ere fräie Übersetzig vu dere Version vum Artikel „Landesamt_für_Geologie,_Rohstoffe_und_Bergbau“ vu de dütsche Wikipedia. E Liste vu de Autore un Versione isch do z finde.