La Nefera

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

D La Nefera (* 17. Novämber 1988 i der Dominikanische Republik as Jennifer Perez) isch e Schwizer Rapperin.

Mit zäni isch d La Nefera id Schwiz cho, wo si im Baselland ufgwachse isch.[1] 2006 het si afo eigeni Songs z schribe und het mit em Rapper Steyr d Crew „Wortschatz los Dados“ gründet. E grosse Erfolg vo der Gruppe isch s Konzärt im usverchaufte X-tra z Züri gsi, as Vorband vo der kubanische Hip Hop-Gruppe Orishas, im Johr 2008. Im 2009 het d Gruppe ihri gmeinsami EP „Nuestra Frecuenzia“ veröffentlecht.[2]

2013 het si ihr Sozialarbet-Schdudium a der Hochschuel Lozärn abgschlosse.[3] Im gliche Johr het si bi 1 City 1 Song teilgno. Im Februar 2015 het si mit de Vybezbilder s Album Skillz on Fire veröffentlecht.[2] Im Juli 2016 isch ihri Single Odio (uf Dütsch „Hass“) releast worde, und im Oktober vom gliche Johr het si ires erschde Solo-Debütalbum A Lo Hecho Pecho (uf Dütsch öppe: „me mues derzue schdoh, was me gmacht het“) usegä.[4] Drbi isch si vo der Popförderig und em Musiknetzwärch vo der Region Basel unterschtützt worde.[5] Im Januar 2017 isch si nach der Steff la Cheffe di zweiti Frau gsi, wo am Rap-Event Bounce Cypher vom Radio SRF Virus deilgno het.[6]

Links[ändere | Quälltäxt bearbeite]

Quelle[ändere | Quälltäxt bearbeite]

  1. La Nefera: kraftvoller dominikanischer Frauen Rap aus Basel. Radio SRF 3, 26. Januar 2017.
  2. 2,0 2,1 Kurzbiografie Archivlink (Memento vom 12. März 2017 im Internet Archive) uf em mosaiquesstore.ch
  3. Student Award for Excellence 2012 a der Hochschuel Lozärn
  4. Mauro Wolf: La Nefera: Attitüdengeschwängerter Rap auf Spanisch. Radio SRF Virus, 10. Novämber 2016.
  5. La Nefera – A Lo Hecho Pecho: Worte wie Pfeile. RFV.CH (Popförderung und Musiknetzwerk der Region Basel), 7. Dezämber 2016
  6. Susan Reznik: Wir haben die einzige Rapperin am 'Bounce Cypher' begleitet. (Memento vom 12. März 2017 im Internet Archive) Vice, 2. Februar 2017.