S Löifelfingerli
| Dialäkt: Baseldütsch |
Löifelfingerli isch dr Naame in dr Umgangssprooch, wo d Lüt dr alte Hauestäistrecki gee häi, wo Sissech dur s Löifelfingerdaal mit Olte verbindet.
Wo d Hauestäi-Baasisstrecki am 8. Januar 1916 in Betriib gnoo worde isch, het die alti Strecki dur e Schäiteldunnel mee und mee an Bedütig verloore. 1938 isch si vo Dobbelspuur uf Äinspuur zruggbaut worde. En Uswiichstell git s nume no in Löifelfinge.
Mit em Faarblaanwäggsel am 22. Mai 1977 isch die 1. Klass uf dr Linie Olte–Löifelfinge–Sissech ufghoobe worde.[1]
Gege s Ändi vo de 1990er-Joor isch d Luft für s Löifelfingerli rar worde. Dr Zuug isch 1997 für fast e Joor dur Autibus ersetzt worde. Denn het mä wider Regionaalzüüg zwüsche Sissech und Olte afo iisetze.
2006 isch s «Löifelfingerli» wider emol vor em Änd gstande, wil s eso unrentaabel gsi isch. Aber dr Baaselbieter Landroot het am 16. Novämber en Umstellig uf Busbetriib abgleent und für si Finanzierig (as d Linie S9 vo dr trinazionaale S-Baan Baasel) bis 2009 gstimmt.[2][3] 2016 het d Regierig wider emol vorghaa, ab 2020 Autibus iizsetze.[4] [5]
Im Frühling 2017 het dr Landroot e witeri Subwenzionierig abgleent,[6] aber im Referendum het s Volk Näi gsäit zum Blaan vo dr Obrikäit.[7][8]
Weblingg
[ändere | Quälltäxt bearbeite]Fuessnoote
[ändere | Quälltäxt bearbeite]- ↑ Eisenbahn Amateur 01/1977 Site 14
- ↑ Protokoll der Landratssitzung vom 16. November 2006
- ↑ Bericht der Bau- und Planungskommission 7. Novämber 2006
- ↑ Martin Stohler: Tageswoche: Das "Läufelfingerli" - eine Bahn mit Geschichte. Tageswoche, 26. November 2016, abgruefen am 1. Dezember 2016.
- ↑ sda: Südwest: Schweiz: Bahnlinie "Läufelfingerli" wird wohl durch Busse ersetzt. Badische Zeitung, 20. September 2016, abgruefen am 20. September 2016.
- ↑ Letzter Halt: Läufelfingen. In: Tages-Anzeiger vom 14. April 2017.
- ↑ sda: Das «Läufelfingerli» fährt weiter – wuchtiges nein zum 8. GLA. Volksstimme, 26. November 2017, abgruefen am 3. Dezember 2017.
- ↑ sda: Das Läufelfingerli kommt nicht aufs Abstellgleis: Baselbieter Stimmvolk lässt S-Bahn weiterfahren. Volksstimme, 26. November 2017, abgruefen am 3. Dezember 2017.