Chrüzkapelle Wettige

Us der alemannische Wikipedia, der freie Dialäkt-Enzyklopedy
Hops zue: Navigation, Suech
D Chrüzkapelle

D Chrüzkapelle z Wettige isch e Kapelle wo im 1660i bauet worde-n-isch. Si schtoot a de Chrüzig vo de frührerne Schtroose uf Otelfinge u Würelos. Hüt ligt si direkt am öschtliche Ortsrand.

Gschichte[ändere | Quälltäxt bearbeite]

D Chrüzkapelle schtoot im Chrützigsschpitz a de Wettiger Landschtroos, wo de link Abzwig frühener uf Otelfinge gange-n-isch u de rächt no hüt direkt uf Würelos füürt. Vor em Bau vo de Kapelle hets derte scho es „Heilig Chreutz-Hüsli“ gha, wi en Urkunde vo 1655 sait. Will di Zelg derte aber scho vorher Chrüzzelg gheisse het [1] muess es a dere Schtell scho vorher es Wägchrüz gäh ha. Um de Bau vo de Chrüzkapelle het sich dodermol de Abt vom Chloschter Wettige kümmeret u d Kapelle isch scho uf de Gyger-Charte vo 1667 druf.

D Kapelle[ändere | Quälltäxt bearbeite]

D Chrüzkapelle isch im Johr 2006 s letscht mol reschtaurirt worde. Wäge de archäologische u de denkmalpflägerische Untersuechige het me sich entschide, d Kapelle wider so zwäg z mache, wi si im 1890i gsi isch. Scho i de Johr 1826 u 1827 isch d Kapelle renoviirt worde, wi au im 1880i. Für vili Johr [2] het di Kapelle zwei Glockene gha, hüt gits numme no eini. Des isch di, wo grösser isch gsi, het 120 kg u isch mit de Joherszahl 1796 aagschribe. Was mit de andere Glocke passiirt isch weiss ma ned.

Inschrift[ändere | Quälltäxt bearbeite]

Inschrift überm Iigangsportal

Über em Iigangsportal vo de Kapelle isch e schriftdütschi Inschrift:
Zu Lob und Ehr dem wahren Gott
Auch danck um Christi Creütz und Tod
Die Cappel widrum erbauet war
Durch Kraft des Creütz uns Gott bewahr
1660

Literatur[ändere | Quälltäxt bearbeite]

  • Ortsbürgergemeinde Wettingen (Hrsg.): Geschichte der Gemeinde Wettingen. Baden, 1978.

Einzelnochwis[ändere | Quälltäxt bearbeite]

  1. Scho für’s Johr 1504 isch der Name belägt
  2. Di genaue Johreszahle weiss ma ned

Weblink[ändere | Quälltäxt bearbeite]

 Commons: Kreuzkapelle Wettingen – Sammlig vo Multimediadateie

47.4598361111118.3407944444444Koordinaten: 47° 27′ 35″ N, 8° 20′ 27″ O; CH1903: 668026 / 256952