Konstantin Iwanow
Dr Konstantin Wassiljewitsch Iwanow (tschuwaschisch Иванов Константин Васильевич; * 15. Maijul./ 27. Mai 1890greg. z Slakbasch (tschuwaschisch: Слакпуç, russisch: Слакбаш) im domolige Gouvernement Ufa, hite im Chrais Belebei z Baschkortostan; † 13. Märzjul./ 26. März 1915greg. z Slakbasch) isch e tschuwaschische Dichter un Grinder vu dr tschuwaschische Literatur gsii.
Lääbe un Wärch
[ändere | Quälltäxt bearbeite]As Suhn vun ere ryche Buurefamilie isch dr Konstantin Iwanow vu 1903 bis 1907 uf e Schuel fir tschuwaschischi Lehrer z Simbirsk gange. Wel er bi antizaristische Demonschtratione mitgmacht het, isch er vu dr Schuel uusgschlosse wore un uf Slakbasch retuurchuu. Anne 1909 het er s Examen zum Volkslehrer abglait.
Im Johr 1907 het er aagfange mit Ibertsetzige vu Lermontow, Tolstoi, Kolzow un Nekrasow vum Russische ins Tschuwaschisch.
Scho mit 18 Johr het er s Gedicht Narspi (1908 z Simbirsk rusgee) gschribe, wu ne bekannt macht het un wu in e baar Sproche ibersetzt wore isch un au s tschuwaschisch Romeo un Julia gnännt wird wird. Mer chännt au syni Gedicht Spotjohr, De Hungrige, Unseri Zyt, syni Ballade un s Drama Sklav vum Deifel.
Mit nit emol 25 Johr isch dr Konstantin Iwanow an Lungetuberkulose gstorbe.
Ehrige
[ändere | Quälltäxt bearbeite]Im Dorf Slakbasch isch e Museum zue Lääbe un Wärch vum Iwanow yygrichtet wore. S tschuwaschisch Akademytheater isch noch em gnännt wore un au ne Stroß z Tscheboksary.
Weblins
[ändere | Quälltäxt bearbeite]- Narspi vum Wladimir Iwanow ins Dytsch ibersetzt mit Churzbiografy
- Lääbeslauf uf peoples.ru
- Lääbeslauf uf dr Websyt vu dr Universitet vu Baschkortostan
|
Dä Artikel basiert uff ere fräie Übersetzig vu dere Version vum Artikel „Konstantin_Iwanow“ vu de dütsche Wikipedia. E Liste vu de Autore un Versione isch do z finde. |