Konrad Hungerbühler

Us der alemannische Wikipedia, der freie Dialäkt-Enzyklopedy

De Konrad Hungerbühler (* 11. Oktober 1952 z Züri) isch e Schwiizer Chemiker.

Läbe[ändere | Quälltäxt bearbeite]

Är isch vo 1994 bis 2018 ordeliche Profässer für Sicherhäits- und Umwältschutztechnologii am Inschtitut für Chemii- und Bio-Ingenieurwüsseschaften a de ETH Züri gsi.

De Hungerbühler hät Chemiingenieurwäse a de ETH Züri gstudiert. Siini Dissertation zum Thema Kinetik und Massstabsvergrösserig bi de kontinuierliche Massekrischtallisation vo Kaliumalaun hät er bim John Russell Bourne gmacht. Zwüsche 1979 und 1994 hät er i de Chemii-Ingenieurtächnik bi de Ciba z Basel gschaffet, wo er Läiter von ere Forschigsabtäilig i de Täxtildivision gsi isch.

A de ETH hät de Hungerbühler zue de integrierte Entwicklig mit de Ökoeffiziänz und de Sicherhäit vo chemische Produkt und Prozäss gforscht. Für 2017 isch em de Wöhler-Priis für Nachhaltigi Chemii vo de Gsellschaft vo Düutsche Chemiker zuegsproche worde.[1]

Per Ändi Jänner 2018 isch de Hungerbühler emeritiert worde.[2]

Publikatione[ändere | Quälltäxt bearbeite]

  • Konrad Hungerbühler, Johannes Ranke, Thomas Mettier: Chemische Produkte und Prozesse: Grundkonzepte zum umweltorientierten Design. Springer, 1998, ISBN 978-3-540-64854-3.
  • Konrad Hungerbühler: Kinetik und Massstabsvergrösserung bei der kontinuierlichen Massenkristallisation von Kaliumalaun. 1978, doi:10.3929/ethz-a-000161233 (Dissertation, ETH Zürich).
  • Konrad Hungerbühler, Justin M. Boucher, Cecilia Pereira, Thomas Roiss, Martin Scheringer: Chemical Products and Processes: Foundations of Environmentally Oriented Design. Springer, 2021, ISBN 978-3-03062421-7, doi:10.1007/978-3-030-62422-4.

Weblink[ändere | Quälltäxt bearbeite]

Fuessnote[ändere | Quälltäxt bearbeite]

  1. chemie.de: Konrad Hungerbühler erhält Wöhler-Preis für Nachhaltige Chemie 2017, 31. Juli 2017, abgruefen am 9. Merz 2018
  2. Kommunikationsdienst GS-WBF: 10 Professorinnen und Professoren an den beiden ETH ernannt, 28. Septämber 2017, abgruefen am 9. Merz 2018