Konrad Epple
| Dialäkt: Undermarkgreflerisch |
Dr Konrad Epple (* 4. Augschte 1963 z Stuegert-Bad Cannstatt) isch e dytsche Bolitiker (CDU). Syt 2011 isch er Mitglid vum Landdag vu Bade-Wirttebärg.
Ausbildung
[ändere | Quälltäxt bearbeite]Dr Epple isch z Ditzenge uf d Grund- un Hauptschuel gange. Derno het er vu 1979 bis 1982 e Schlosserlehr gmacht. No dr Maischterschuel vu 1987 bis 1988 isch er anne 1988 Schlossermaischter wore. Syter anne 2004 isch er sälbschtändig.
Bolitik
[ändere | Quälltäxt bearbeite]Dr Konrad Epple isch 1977 in di Jung Union yydrätte un zwai Johr speter in d CDU. Är isch zerscht Vorstandsmitglid un derno Vorsitzer vu dr Jungen Union z Ditzenge. Mittlerwyli hat er boodi Positione bim CDU-Stadtverband Ditzenge. Derzue isch er Chraisvorstandsmitglid un stellverdrättende Chraisvorsitzer vu dr Jungen Union Ludisburg gsii. Hite isch er Byysitzer im CDU-Chraisvorstand.
Syter anne 1988 isch dr Epple Gmairot vu dr Stadt Ditzenge un syt 1996 Mitglid vum Chraisdag Ludisburg. Syt 1999 isch er Erschte Stellverdrätter vum Oberburgermaischter vu dr Stadt Ditzenge. Vu 2000 bis 2010 isch er ehrenamtlige Verwaltigsrichter am Verwaltigsgricht Stuegert gsii. Vu 2004 bis 2009 het er dr Regionalversammlig vum Verband Region Stuegert aaghert.
Bi dr Ditzenger Oberburgermaischterwahl 2007 het dr Epple fir s Amt vum Oberburgermaischter kandidiert, isch aber mit 19,65 Brozänt vu dr Stimmen em Amtsinhaber Michael Makurath unterläge, wu 80,18 Brozänt iberchuu het, drotz ass dr Ditzenger CDU-Ortsverband dr Epple unterstitzt ghaa het.
Im Juli 2010 het si dr Epple bi dr CDU-Nominierigsversammlig as Diräktkandidat fir d Landdagswahl 2011 beworbe. Im zwoote Wahlgange het er si geg dr bishärig Landdagsabgordnete Albrecht Fischer duregsetzt.[1] Bi dr Landtagswahl 2011 het dr Epple derno mit 38,8 Brozänt vu dr Stimme s Diräktmandat im Wahlchrais 13 Vaihenge gwunne un isch dodermit in dr Landdag vu Bade-Wirttebärg yyzoge.
Bi dr Landdagswahl 2016 het er s Diräktmandat an Markus Rösler verlore, isch aber iber e Zwaitmandat in Landdag yyzoge. Bi dr Landdagswahl 2021 isch dr Epple wider iber e Zwaitmandat in Landdag gwehlt wore.
Dr Konrad Epple isch Mitglid im Uusschuss fir Ernehrig, Ländlige Ruum un Verbruucherschutz un im Petitionsuusschuss. Derzue isch er stellverdrättend Mitglid im Ständigen Uusschuss, im Uusschuss fir Finanze, im Uusschuss fir Kultus, Juged un Sport, im Uusschuss fir Umwält, Klima un Energiwirtschaft, im Uusschuss fir Wirtschaft, Arbet un Tourismus, im Uusschuss fir Sozials, Gsundhait un Integration, un im Uusschuss fir Inners, Digitalisierig un Kommune.[2]
Privats
[ändere | Quälltäxt bearbeite]Dr Konrad Epple isch evangelisch un ledig. Syt 1982 ghert er dr Freiwillige Fyyrwehr Ditzengen aa. 1998 isch er zum stellverdrättenden Abdailigskommandant gwehlt wore. Vu 2000 bis 2005 isch er Abdailigskommandant gsii.
Weblink
[ändere | Quälltäxt bearbeite]
Fueßnote
[ändere | Quälltäxt bearbeite]- ↑ Nominierungskrimi der CDU, vkz.de
- ↑ Referänz-Fähler: Uugiltige <ref>-Tag; s isch kei Täxt fir s Ref mit em Name Landtag aagee wore.
 |
Dä Artikel basiert uff ere fräie Übersetzig vu dere Version vum Artikel „Konrad_Epple“ vu de dütsche Wikipedia. E Liste vu de Autore un Versione isch do z finde. |