s Kommunal Kino Fryburg

Us der alemannische Wikipedia, der freie Dialäkt-Enzyklopedy
dr Alt Wieribaanhoof mit em Kommunale Kino z Fryburg

S Kommunal Kino Fryburg isch isch e nitkommerziäll Kino in Fryburg. S isch anne 1972 grindet woore.

Gschiicht[ändere | Quälltäxt bearbeite]

D Initiatiiv fir d Grindig vun eme Kommunale Kino z Fryburg isch vum Aarbetschrais Sozials vu dr Fryburger Jungsozialischten uusgange. Am 23. Novämber 1972 isch schließli in dr Feierling-Wiirtschaft d Aarbetsgmainschaft Kommunals Kino grindet woore. Di eerscht effetli Filmvoorfierig isch am 8. Jänner 1973 in Ryym vu dr Gwäärbeschuel II am Friedrichring gsii.

Anne 1981 isch s Kommunal Kino zäme mit dr Freie Chinschterlgruppe Fryburg (fkf) in dr Alt Wieribaanhoof vu dr Helledaalbaan zooge. Näb dr Biroryym vum Kino un em Kinosaal het s in däm Gebei e Galeryruum. Im Joor 1981 isch s Café im Alte Wieribaanhoof ufgmacht woore. No dr Ufleesig vu dr fkf isch 2003 s Literatur Forum Siidwescht in Alte Wieribaanhoof yyzooge. Anne 2017 isch s in s Literaturhuus in dr Alte Uni umzooge.[1]

Zytwyys het s Kommunal Kino mit Journal Film e aigeni Filmzytschrift uusegee.

Brogramm[ändere | Quälltäxt bearbeite]

»Anderi Film andersch zaige« – mit däm Laitspruch vu kommunaler Filmaarbet isch aa s Brogramm vum Fryburger Kommunale Kino guet bschriibe. Näbe Filmklassiker un aktuälle Neiuffierige breege vyl Kooperazioone mit andere Verain un Yyriichtige s Brogramm. Filmhistorischi un -analytischi Vordreeg un Yyfierige dien s Filmbrogramm ergänze. Reegelmääßigi Brogrammblätz git s unter anderem fir Experimäntalfilm (kino avantgarde), Stummfilm mit Livebeglaitig, Chnderkino un franzeesisch Kino. E bsundere Schwäärpunkt isch s Kino am Mittwuche, wu näbe ethnograafische Film Kino us em Trikont (also vu vu Afrika, Asie oder Latynamerika) un/oder mit Migrationshintergrund bresäntiert.

S Kommunal Kino isch e Spiiloort vum Cine Latino un vum Brazil Plural-Feschtival un duet syter anner 1985 all zwai Joor mit em Fryburger Film Forum e renommiert Feschtival vum ethnograafische Film veraastalte.

Fir sy Brogramm isch s Kino scho segsmool mit em Kinobryys vum Kinematheksverbund uuszaichnet wore, zletscht 2005, 2006, 2007, 2008 un 2010.

Weblinks[ändere | Quälltäxt bearbeite]

 Commons: Alte Wieribaanhoof – Sammlig vo Multimediadateie

Fueßnote[ändere | Quälltäxt bearbeite]

  1. Literaturhaus Freiburg – Literaturhaus. Abgruefen am 2. Mai 2019.

Koordinate: 47° 59′ 5,3″ N, 7° 51′ 13″ O

Dä Artikel basiert uff ere fräie Übersetzig vu dere Version vum Artikel „Kommunales_Kino_Freiburg“ vu de dütsche Wikipedia. E Liste vu de Autore un Versione isch do z finde.