Kirsten Mahlke

Us der alemannische Wikipedia, der freie Dialäkt-Enzyklopedy
Dialäkt: Undermarkgreflerisch

D Kirsten Mahlke (* 1972) isch e dytschi Romanischti. Si isch Brofässeri fir Kulturtheory un kulturwisseschaftligi Methode an dr Universitet Konschtanz.

Lääbe un Wirke[ändere | Quälltäxt bearbeite]

D Mahlke het anne 1991 Abitur gmacht am Albert-Einstein-Gimnasium z Raveschburg. No dr Schuel het si e Uusbildig zur Verlagsbuechhändleri gmacht bim Suhrkamp-Verlag z Frankfurt am Main. Derno het si vu 1993 bis 1998 an dr Goethe-Universitet Frankfurt Romanischtik, Slawischtik un Ethnology studiert um mit em Magister Artium abgschlosse.

As Doktorandi het si vu 1998 bis 2000 an dr Universitet Paderborn im Rame vum Graduiertekolleg „Reiseliteratur und Kulturanthropologie“ gforscht. Anne 2002 het si an dr Goethe-Universitet Frankfurt un assoziierti Kollegiati am Paderborner Graduiertekolleg promoviert mit ere Arbet iber „Offenbarung im Westen. Frühe Berichte aus der Neuen Welt“. Vu 2002 bis 2005 het si as Postdoc im Zäntrum fir dr wisseschaftlig Noowugs an dr Universitet Konschtanz gforscht. Vu 2002 bis 2008 het si ne Forschigsdozäntur vum Stifterverband fir allgmaini un romanischi Literaturwisseschaft an dr Universitet Konschtanz ghaa, 2007 isch si Fellow am Kulturwisseschaftlige Kolleg vum Exzellänzcluster „Kulturelle Grundlagen von Integration“ an dr Universitet Konschtanz gsii. Vu 2003 bis 2009 isch d Mahlke au Vorstandsmitglid vum Konschtanzer Graduiertekolleg „Figur des Dritten“ gsii. 2007/2008 het si ne Verdrättig vum Lehrstuel fir Romanischtik an dr LMU Minche ibernuu. Anne 2008 het si d Kirsten Mahlke an dr Universitet Konschtanz in Romanistischer un Allgmainer Literaturwisseschaft habilitiert mit ere Arbet iber „Schwebezustände. Unbestimmtheit, Paradoxien und Spiel in argentinischer Literatur und Quantentheorie“. 2008/2009 het si ne Ergänzigsbrofässur Romanischtik am Fachberaich Literaturwisseschaft an dr Universitet Konschtanz ghaa un 2010-2011 d Brofässur fir Romanischi Literaturwisseschaft an dr Universitet Haidelberch. Syter 2010 isch si Principal Investigator vum des ERC-Projäkt „Narratives of Terror & Disappearance“.

Syter 2011 isch d Mahlke Brofässeri fir Kulturtheory un kulturwisseschaftligi Methode an dr Universitet Konschtanz.

Forschigsschwärpinkt vu dr Kirsten Mahlke sin

  • Franzesischi Raiseliteratur vu dr frieje Neizyt,
  • Fantastischi Literatur (Cono Sur) un Fantastiktheory,
  • Latynamerikanischi Literatur vum 20./21. Johrhundert,
  • Quantephysik un Literatur,
  • Narratologischi Dimensione vum Terror

Uuszaichnige un Stipändie[ändere | Quälltäxt bearbeite]

  • 2016-2018: ERC Proof of Concept „Death Notification with Responsibility“ (DNR 754949)
  • 2018: Dr. K.H. Eberle-Bryys fir s Forschigsprojäkt „Kulturen Europas in einer multipolaren Welt“ (zäme mit em Nicolas Detering un em Albrecht Koschorke)
  • 2009: ERC Starting Independent Research Grant fir s Projäkt „Narratives of Terror & Disappearance“ (Laufzyt: 2010-2015)
  • 2007: Fellowship am Kulturwisseschaftlige Kolleg vum Exzellänzcluster „Kulturelle Grundlagen von Integration“ an dr Universitet Konschtanz
  • 2003-2008: Kollegiati vum WIN-Kolleg „Kulturelle Grundlagen der Europäischen Einigung“ vu dr Haidelbercher Akademy vu dr Wisseschafte
  • 1994-2002: Stipändium vu dr Studiestiftig vum dytsche Volk

Uusgläseni Schrifte[ändere | Quälltäxt bearbeite]

  • Offenbarung im Westen. Frühe Berichte aus der Neuen Welt. Frankfurt am Main 2005, ISBN 3-596-16235-1.
  • Methoden der Kulturwissenschaften. UTB, Paderborn 2018
  • as Rusgeberi mit em Michael C. Frank: Kultur und Terror. Bielefeld 2010, ISBN 978-3-8376-1405-3.
  • as Rusgeberi mit em Frank Bezner: Zwischen Wissen und Politik. Archäologie und Genealogie frühneuzeitlicher Vergangenheitskonstruktionen. Heidelberg 2011, ISBN 978-3-8253-5631-6.
  • as Rusgeberi mit dr Gabriel Gatti: Sangre y filiación en los relatos del dolor. Madrid 2018, ISBN 978-84-16922-73-4.

Syt 2006 isch d Mahlke Redakteri un Rusgeberi vu dr „Zeitschrift für Kulturwissenschaften“.

Weblink[ändere | Quälltäxt bearbeite]