Kim Jong-un

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Es fotorealistischi Porträt-Zeichnig vom Kim Jong-un.

Dr Kim Jong-un (rev. Rom. Gim Jeong-eun, McCune-Reischauer Kim Chŏngŭn, koreanisch: 김정은; * 8. Januar 1984[1] z Nordkorea) isch e nordkoreanische Politiker und as Erste Vorsitzende vom Nationale Verdäidigungskomitee vo Nordkorea, Oberbefäälshaaber vo dr Koreanischen Volksarmee und Erste Sekretäär vo dr Partei vo dr Arbet vo Korea sit 2011 dr sogenannti „Obersti Füerer“ vo dr stalinistische Diktatur vo Nordkorea. Er isch dr dritt und jüngst Soon vo sim Vorgänger Kim Jong-il, wo am 17. Dezämber 2011 gstorbe isch.

Sit em Summer vo 2009 het men en as dr Noochfolger vo sim Vater ghandlet. Am 27. Septämber 2010 isch er zum General ernennt worde.[2] Eso het er die gliich Posizioon wie si Vater ghaa, bevor dä vo sim Vater Kim Il-sung gerbt het. Noch dr offizielle Druurzit für si doot Vater isch dr Kim Jong-un am 29. Dezämber 2011 zum Füerer vom Volk, vo dr Partei und vo dr Armee usgrüeft worde.[3]

Weblingg[ändere | Quälltäxt bearbeite]

 Commons: Kim Jong-un – Sammlig vo Multimediadateie

Fuessnoote[ändere | Quälltäxt bearbeite]

  1. Kim Jong-un finalement né en 1984. In: Le Temps online, 31. Mai 2016. Abgrüeft am 22. Februar 2017.
  2. Nordkoreas Militär: Kims Sohn steigt auf. In: Spiegel Online. 27. Septämber 2010. Abgrüeft am 28. Septämber 2010.
  3. Nordkorea nach dem Tod von Kim Jong Il: Kim Jong Un offiziell zum „Obersten Führer“ ernannt. In: Süddeutsche Zeitung. 29. Dezämber 2011. Abgrüeft am 29. Dezämber 2011.