S Kennedy-Thorndike-Experimänt

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
S Kennedy-Thorndike-Experimänt
V: Wakuumruum
W: Wasserchüelig
Hg: Kwelle für monochromatischs grüens Liecht
N: e polarisierends Nicol Prisma
B: e Straaldäiler
M1 und M2: Die bäide Spiegel, wo underschiidlig wit äwägg si und d Straale reflektiere. Die wärde denn wider zämmegläit und bilde Interferänzring bi P.
S: Schlitz zum widerholt Fotene vom Interferänzring chönne mache.

S Kennedy-Thorndike-Experimeät (1932) hätt sölle noochwiise, öb s en Iifluss git uf d Usbräitig vom Liecht, wenn Beobachter in verschiidene Inerzialsüsteem iiri Gschindikäit ändere.[1] Es isch e Wariante vom Michelson-Morley-Experimät, wo d Sitenärm vom Interferometer, wo brucht wird, underschiidlig lang sin. S Experimänt het, wie s die Spezielli Relatiwidäätstheorii vorussäit, e Nullresultat gliiferet und het eso bestäätigt, ass mä näbe dr Lengikontrakzioon au d Zitdilatazioon muess aanee. Noch däm indiräkte Noochwiis isch d Zitdilatazioon denn zum erste mol diräkt dur s Ives-Stilwell-Experimät noochgwiise worde. Wemm mä d Resultaat vo dene drei Experimänt (em Michelson-Morley-Experimänt zum Mäasse öb d Liechtgschwindigkäit vo dr Orientierig vom Beobachder abhängt, em Kennedy-Thorndike-Experimänt zum Mässe, öb d Liechtgschwindigkäit vo dr Gschwindigkäit vom Beobachder abhängt, und em Ives-Stilwell-Experimänt zum d Zitdilatazioon z mässe) cha d Lorentz-Dransformazioon abgläitet wärde.[2]

In modärne Kennedy-Thorndike-Experimänt, wo mä die gliiche Zämmehäng zwüsche dr Gschwindigkäit vom Beobachder und vom Liecht, bzw. zwüsche dr Zitdilatazioon und dr Lengikontrakzioon undersuecht, wärde bis hüt gmacht mit dütlig gröössere Gnauigkäite dank optische Resonatore und Lunar Laser Ranging, und si bestäätige s ursprünglige Resultaat.

Fuessnoote[ändere | Quälltäxt bearbeite]

  1. R. J. Kennedy, Thorndike, E. M.: Experimental Establishment of the Relativity of Time. In: Physical Review. 42, Nr. 3, 1932, S. 400–418
  2. Robertson, H. P.: Postulate versus Observation in the Special Theory of Relativity. In: Reviews of Modern Physics. 21, Nr. 3, 1949, S. 378-382
Information icon.svg Dä Artikel basiert uff ere fräie Übersetzig vum Artikel „Kennedy-Thorndike-Experiment“ vu de dütsche Wikipedia.

E Liste vu de Autore un Versione isch do z finde.