Kategorie Diskussion:Hochschuel z Friburg

Vilicht ghört die Diskussion uf d Diskussionssite vo de Kategorie, aber i fang si emol do aa, wils mit däre Kategorii grad e Byspil hät. Es goot um d Aazahl vo Artikel, wos sött ha, damit e Kategorii grächtfertigt isch (vgl. au do). Zum da chöne z demonstriere, hani d Kategorii Hochschuel z Bade-Wirttebärg nomo aktiviert und i d Kategorii Hochschuel z Dütschland ine tue. I de Kategorii Hochschuel z Dütschland chame jetzt d Unterkategorii Hochschuel z Bade-Wirttebärg gsee. Si hät vorem Name e dunkels Drüüeggli, wo me cha aaklicke. Esoo gseht me de Name vonnere wytere Underkategorii und d Aazahl vo Artikel, wos döt inne hät, ohni das me d Kategorii Hochschuel z Dütschland mues verloo. Die Funkzion isch relativ nöi und büüted en bessere Überblick.

Drumm maini, as me d Diskussion öber d Mängi vo Artikel pro Kategorii und öber de Sinn vo Underkategorie nöi cha füere.

Im obige Byspiil gseht me, as i de Kategorii Hochschuel z Dütschland alli Hochschuele (öb staatlich oder privat, öb aktuell oder historisch), wos z Dütschland git ufgfüert wärded (es sind zur Zyt 12). Wils im Bundesland Bade-Würtebärg en Huufe Hochschuele mit eme Artikel hät, so chame e Underkategorii Hochschuel z Bade-Wirttebärg mache, wo wider alli (staatlichi und anderi) Hochschuele umfasst (das sind zur Zyt 8). Bis jetzt isch alles no diskussionslos mit de bestehende Regelige z verantworte. Jetzt isch aber i däm Fall d Kategorii uf de Ebendi vom Bundesland nomol undertailt - 3 Artikel mit Hochschuele us Friburg stönd de 5 andere gegenüber. Us obe darglaite Gründ (nöiji Funkzion, wo s ganze übersichtlicher macht) wäri jetzt do grosszügig und wör die Kategorii stooloo, i de Hoffnig, as es no mee Artikel zum Thema Hochschuel z Friburg wird gee. --Schofför (Diskussion) 15:58, 5. Jul. 2014 (MESZ)