Casein

Us der alemannische Wikipedia, der freie Dialäkt-Enzyklopedy
(Witergleitet vun Kasein)
Zur Navigation springen Zur Suche springen
Dickmilch under em Mikroskop mit Fettchüügeli und grunniger Kaseinmasse (dunkel)

Casein oder Kasein (lat. caseus ‚Käse‘) isch dr Naame für dä Däil vo Protein in dr Milch, wo nit in d Molke chunnt und zu Chees witerverarbäitet wird. Es isch e Mischig us meerere Proteine (αS1-, αS2-, β-, κ-Casein) und hilft Protein, Calcium und Phosphat z spiichere und zum Nöigebornige z dransbortiere. Casein bildet in dr Milch zämme mit Calciumphosphat und andere Bestandäiil Micelle, wo s Calciumphosphat in Lösig halte und d Milch im Mage zum e Chlumpe mache, si dass si liichter cha verdaut wärde.[1]

D Casein si die hüfigste Milchprotein, wo öbbe achzig Brozänt vo dr Gsamtmängi vo de Protein in dr Milch usmache. Die übrige Protein wärden au as Molkeprotein zämmegfasst. D Casein mache au dr grösst Däil vo de Protein in Kwark und Chees us, wo bim Grünne vom Casein fest wärde. S Casein wird nit nume as Lääbesmiddel verwändet, sondern au as Bindimiddel und farmazöitische Hilfsstoff. Es ghört zu de hüfigste Uslööser vo Chuemilchallergii.[2][3]

Litratuur[ändere | Quälltäxt bearbeite]

  • The Merck Index, 10th Ed. (1983), Rahway, NJ

Weblingg[ändere | Quälltäxt bearbeite]

Fuessnoote[ändere | Quälltäxt bearbeite]

  1. Dairy Chemistry and Physics
  2. T. Nakano, N. Shimojo, Y. Morita, T. Arima, M. Tomiita, Y. Kohno: Sensitization to casein and beta-lactoglobulin (BLG) in children with cow's milk allergy (CMA). In: Arerugi. 59, Nr. 2, Februar 2010, S. 117–22
  3. Deutscher Allergiker- und Asthmabund zu Milcheiweißallergie. Archiviert vom Original am 21. November 2010; abgerufen am 8. Januar 2015..
Information icon.svg Dä Artikel basiert uff ere fräie Übersetzig vu dere Version vum Artikel „Casein“ vu de dütsche Wikipedia.

E Liste vu de Autore un Versione isch do z finde.