Karl I. vo Anjou

Us der alemannische Wikipedia, der freie Dialäkt-Enzyklopedy


Karl I. (Neapel)
König vo Sizilie, Neapel und Albanie; Brinz vo Achaia; Groof vo Provence, Forcalquier, Anjou und Maine
D Statue vom Karl vo Anjou im Chleid vom ene römische Senator (zitgenöss.)
(Arnolfo di Cambio)
Regierigsziit 6. Januar 1266 – 7. Januar 1285
Uf d Wält cho 21. Merz 1227
Geburtsort Frankriich
Gstorbe 7. Januar 1285
Dodesort Foggia
Vorgänger Manfred
Nochfolger Peter I. (Insle vo Sizilie)
Karl II. (die andere Gebiet)
Verhürotet mit Beatrice vo Provence
Margarete vo Burgund

Dr Karl I. vo Anjou (franzöösisch Charles d’Anjou, italienisch Carlo d’Angiò; * Merz 1227; † 7. Januar 1285 z Foggia, Apulie) isch dr jüngschti Sohn vom französische Köönig Ludwig VIII. († 1226) und dem sinere Frau Blanka vo Kastilie gsi. Er isch vo 1266 aa Köönig vo Sizilie gsi. Noch 1282 isch si Herrschaftsgebiet uf dr festländisch Däil vom Köönigriich beschränkt gsi, dr Ditel isch aber gliich bliibe. Er isch dr Stammvater vom eltere Huus vo Anjou, eme Sitezwiig vo dr franzöösische Herrscherdünastii vo de Kapetinger.

Dr Karl het s Köönigriich Sizilie vo de Staufer erooberet und het im östlige Middelmeerruum Land erworbe. Er het e Chrieg gege s Byzantinische Riich blaant, aber d Byzantiner häi 1282 z Sizilie en Ufstand aazettlet, d Franzoose uf dr Insle si massakriert worde und dr Peter III. vo Aragon het d Herrschaft dört übernoo.

Mit siner Hüroot zur Beatrice, dr Erbin vom Raimund Berengar IV. vo Provence, isch dr Karl 1246 Groof vo dr Provence und vo Forcalquier worde. In 1247 het em si Brueder, dr Ludwig IX., d Groofschafte vo Anjou and Maine gee, wo franzöösische Chroondomääne gsi si. Dr Karl het Albanie erooberet und sich 1272 zum Köönig vo Albanie usgrüeft. 1277 het er d Köönigschroone vo Jerusalem kauft und in sim Testamänt het em dr Wilhelm II. vo Villehardouin 1278 s Fürstedum Achaia hinderloo.

Dr Karl isch e grächte aber herte Herrscher gsi. Er het die sogenannti Latiinischi Rönessans understützt. Under iim häi jüüdischi Gleerti klassischi und arabischi Teggst übersetzt und so em Weste wider zuegänglig gmacht.

Wabbe[ändere | Quälltäxt bearbeite]

Litratuur[ändere | Quälltäxt bearbeite]

  • Jean Dunbabin: The French in the Kingdom vo Sizilie, 1266-1305. Cambridge 2011.
  • Peter Herde: Karl I. von Anjou. Stuttgart u. a. 1979.
  • Tanja Michalsky: Memoria und Repräsentation: die Grabmäler des Königshauses Anjou in Italien. Göttingen 2000 (Veröffentlichungen des Max-Planck-Instituts für Geschichte, 157).
  • Richard Sternfeld, Karl von Anjou als Graf der Provence (1245-1265), Berlin 1888 (Historische Untersuchungen, 10).

Weblingg[ändere | Quälltäxt bearbeite]

 Commons: Karl I. (Neapel) – Sammlig vo Multimediadateie


Vorgänger Amt Nochfolger
Manfred Köönig vo Sizilie
1266–1282
Peter I.
Fürst vo Taränt
1266–1285
Karl II. dr Laami
(1282 abgspalte us em Köönigriich Sizilie) König vo Neapel
1282–1285
Amt nöi erschaffe König vo Albanie
1272–1285
Hugo I. vo Lusignan Köönig vo Jerusalem (Geegeköönig)
1277–1285
Wilhelm II. von Villehardouin Fürst vo Achaia
1278–1285
franzöösische Chroondomääne Groof vo Anjou
Groof vo Maine

1246–1285
Beatrix Groof vo Provence
(zämme mit dr Beatrix)

1246–1267