Kafi Freitag

Us der alemannische Wikipedia, der freie Dialäkt-Enzyklopedy
D Kafi Freitag (2020)

D Kafi Freitag (* 19. Juni 1975) isch e Schwiizer Bloggerin. Si schribt uf ihrem eigede Blog, für Watson und d Baugnosseschaft «Mehr als Wohnen». Zudem het si es eigeds Coachingunternehme und het mit ere Fründin d Onlineplattform Tribut gründt.

Läbe[ändere | Quälltäxt bearbeite]

D Kafi isch in eme Dorf in de Nöchi vo Soledurn ufgwachse und isch als jungi Frau uf Züri zügled. Dete het si zerst als Aalageberaterin, als «rächti Hand» vomene Generaldirektor von ere Grossbank und als Filialeiterin von ere Biligmodechette gschaffed, bevor si sich selbständig gmacht het. Sither isch si in vilne Beriich aktiv: Si schaffed als NLP- und Hypnose-Coach, schribt en Uftrags-Blog über Kunst und Architektur und antwortet in ihrem Blog und uf Watson Läbesfroge. I jedere Usgab im Johr 2016 het si als bekenndi Atheistin in de damals neu lancierte reformierte Zitschrift «bref» e Kolumne gschribe, was in reformiirte Kreise zu ere Kontroverse gführt het.[1]

Si isch gschiede und het en Sohn.

Weblink[ändere | Quälltäxt bearbeite]

Fuessnoote[ändere | Quälltäxt bearbeite]

  1. Jörg Meier: Diese Atheistin schreibt Kolumnen in Kirchenblatt – das sorgt für rote Köpfe im Aargau. In: az Aargauer Zeitung. 20. Mai 2016, archiviert vom Original am 26. Januar 2017; abgruefen am 26. Januar 2017.