Julie Bassermann

Us der alemannische Wikipedia, der freie Dialäkt-Enzyklopedy

D Julie Bassermann (* 2. Merz 1860 z Mannem as Julie Ladenburg; † 18. Septämber 1940 ebe dert) isch e dytschi Frauerächtleri gsii.

Lääbe[ändere | Quälltäxt bearbeite]

D Julie isch as ainzigi Dochter vum Bankier Carl Ladenburg un däm syre Frau Ida geb. Goldschmidt uf d Wält chuu. D Familie het zue dr wichtigschte jidische Familie vu dr Stadt Mannem ghert. Si het anne 1881 dr Mannemer Rächtsaawalt un Bolitiker Ernst Bassermann ghyrote. S Baar het e Suhn un drei Dechtere ghaa.

Laischtige[ändere | Quälltäxt bearbeite]

Im Johr 1897 het d Julie Bassermann d Mannemer Abdailig vum Verain Frauebildig-Frauestudium, wu si Vorsitzeri dervu 1901 woren isch. Mit dr Alice Bensheimer, wu ne Fryndin vun ere gsii isch, het si d Entwicklig vum Verain bregt. As langjehrigi Vorsitzeri het si d Mannemer Fraueorganisazione in aim Verainsverband zämegfiert. Doderby het d Bassermann mit ire Mueter chenne zämeschaffe, wu 1904 dert Bresidänti vum Badische Fraueverain gsii isch. Si isch au im Huusfraueverain engaschiert gsii. Vu 1911 bis 1933 isch si derzue Grindigsvorsitzeri vum Badische Verband fir Frauebsträbige.

Ab 1912 het si mit dr Adelheid Steinmann im Rychsfraueuusschuss vu dr Nazionalliberale Bartei gwirkt. Sofort noch em Chriegsuusbruch 1914 het d Julie Bassermann, drei Däg noch em Dachverband, e Mannemer Ortsgruppe vum Nazionale Frauedienscht grindet. Anne 1915 isch e Chriegsdagehaim fir arbetslosi Fraue un Maidli ufgmacht wore. Ai johr lang het si d Marie Bernays bi dr Grindig vun ere Soziale Fraueschuel (au Wohlfahrtsschuele gnännt) unterstitzt.

Syt zwai Johr Witfrau, isch si 1919 bi ire Kandidatur fir d DVP zur Weimarer Nazionalversammlig nit gwehlt wore. Si isch aber druf in Mannemer Gmairoot yyzoge, wu si si vier Johr lang as Mitgliid vu dr Schuelkummission un in sozialbolitische Froge engaschiert.

Im Verain Frauebildig–Frauestudium isch d Julie Bassermann bis 1929 Rychsvorsitzeri gsii un isch derno us Altersgrind zruggdrätte. Si isch am 18. Septämber 1940 im Alter vu 80 Johr gstorbe.

Literatur[ändere | Quälltäxt bearbeite]

  • Jan Merk: Bassermann, Julie. Badische Biographien, N.F. 5, Stuttgart 2005, S. 2–3.
  • Beate Bäro: Julie Bassermann. Vorreiterin der Frauenbewegung. In: Lauter Frauen. Aufgespürt in Baden-Württemberg. 47 Porträts, Stuttgart: Theiss 2000, ISBN 3-8062-1525-1, S. 10–13

Weblink[ändere | Quälltäxt bearbeite]

Dä Artikel basiert uff ere fräie Übersetzig vu dere Version vum Artikel „Julie_Bassermann“ vu de dütsche Wikipedia. E Liste vu de Autore un Versione isch do z finde.