Juckerhuus

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

47.2529178.692616Koordinaten: 47° 15′ 11″ N, 8° 41′ 33″ O; CH1903: 694920 / 234314

Dialäkt: Züritüütsch

S Juckerhuus isch e stattlichs Huus z Mänidorf, grad bim Baanhoof zue. De Andreas Ammann, won Gmäindsmetzger gsi isch, häds 1815 pout. Ab 1877 häts em Sänn Jakob Jucker ghört. Grundriss isch fascht quadratisch und s Huus staat gibelständisch härt a de Brunngass. Uf de Nordsiite isch di hööch Stützmuur vo de Baanhoofstraass. Drum gseet mer vo det nume de oberschti Stock.

S Huus häd drü Stöck und es Mansardetach. Das isch zwar typisch für d Bouziit - aber nöd uf em Land usse. S Tach isch es Chrüppelwalmdach mit drü chline Luggarne uf de beede Traufsiite. Drum wirkts zimli groos und begränzt de Ruum am obere Ändi vo de Brunngass, bevor si i de Underfüerig verschwinde tuet. S Huus isch markant und häd e gwüssi Würdi.

Um 1915 isch im Juckerhuus e Ziit lang s Reschtorant Baanhoof gsi. S Huus isch vo de Poscht kauft worde. Won im Garte vom Huus di nöi Poscht poue worden isch, hät me s Juckerhuus schöön renoviert.

Literatur[ändere | Quälltäxt bearbeite]

  • Hanspeter Rebsamen, Rudolf Schilling: Zürichseeufer 75. Stäfa, 1975: Theodor Gut.
  • Josef Weinmann und Werner Pfister: Männedorf in alten Ansichten. Zaltenbommel, 1993: Europäische Bibliothek.