John de Lancie

Us der alemannische Wikipedia, der freie Dialäkt-Enzyklopedy
Dr de Lancie (2019)

Dr John Sherwood de Lancie, Jr. (* 20. März 1948 z Philadelphia, Pennsylvania) isch en amerikanische Schauspiiler, Produzänt, Musiker und Schriftsteller.

Er isch unter anderem in Film wie Legacy, The Thorn Birds (dt. Die Dornenvögel), und The Hand That Rocks the Cradle (dt. Die Hand an der Wiege) ufdräte. Au in Serie wie The Six Million Dollar Man (dt. Der Sechs-Millionen-Dollar-Mann), Battlestar Galactica (dt. Kampfstern Galactica), Nero Wolfe, und MacGyver het er mitgspiilt. Usserdem het er zämme mit em Richard Dean Anderson d Hauptrolle in der Steampunk-Serie Legend gspiilt. Berüemt worde isch er aber mit sinere Rolle als s allmächtige Wääse „Q“ in der Serii Star Trek: The Next Generation (dt.Raumschiff Enterprise – Das nächste Jahrhundert). Unter anderem het er au Ufdritt als Q in dr Star-Trek-serii Star Trek: Voyager (dt. Raumschiff Voyager) und Star Trek: Deep Space Nine gha und het bi Andromeda dr Sid und in mehrere Folge vo Stargate SG-1 (dt. Stargate – Kommando SG-1) dr Colonel Simmons verkörperet. In vier Episode vo Charmed het er dr Odin gspiilt. Vo 2011 isch er au dur sini Sprächrolle vom Discord in My Little Pony: Friendship is Magic (dt. My Little Pony - Freundschaft ist Magie) bekannt.

Bis zum Dood vom Leonard Nimoy het er mit däm e Broduktionsfirma mit em Name Alien Voices gha, wo Science-Fiction-Hörspiil produziert het.

Weblinks[ändere | Quälltäxt bearbeite]

 Commons: John de Lancie – Sammlig vo Multimediadateie
Dä Artikel basiert uff ere fräie Übersetzig vum Artikel „John_de_Lancie“ vu de dütsche Wikipedia. E Liste vu de Autore un Versione isch do z finde.