Johann Rudolf von Frisching

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Dr Johann Rudolf vo Frisching (* 17. August 1761 z Bärn; † 5. August 1838 ebedo) isch e Bärner Bruefsmilidär und Politiker in dr Zit vo dr Helvetische Republik gsi.

Läbenslauf[ändere | Quälltäxt bearbeite]

Dr Johann Rudolf vo Frisching isch 1761 z Bärn uf d Wält cho as Sohn vom Franz Rudolf vo Frisching, eme Offizier und Landvogt, wo au dr Herr vo Rümlige gsi isch. Er het sich 1790 mit dr Elisabeth Sophie Frisching, dr Dochter vom Johann Rudolf Frisching (1724-78) und Erbin vom Frischinghuus verhürotet.

Dr Frisching isch wie si Vater Bruefsoffizier in dr holländische Schwizergarde gsi. Nodäm er zruggcho isch uf Bärn, isch er 1795 Grossroot worde. In der Helvetik het er e churzi Karriere vo 1801 bis 1802 gha: er isch Mitgliid vom Senat, vom Chliiroot, und dr Zweit Landamma hinder em Alois Reding gsi. 1803 isch er wider im Groossroot gsässe. 1807 het er vo sim Vater s Schloss Rümlige gerbt.

Dr Johann Rudolf vo Frisching isch 1838 z Bärn gstorbe. Si Dochder, d Sophie Rosine, und deren ihre Maa, dr Friedrich Ludwig vo Wattewyl, hai Rümlige und s Frisching-Stadtpalais (s Beatrice-vo-Wattewyl-Huus) gerbt.

Quelle[ändere | Quälltäxt bearbeite]