Johann Jakob Iselin-Ryhiner

Der Johann Jakob Iselin-Ryhiner (6. Februar 1704 z Basel, † 22. Juni 1772 au dört) isch e Schwiizer Chaufme, Offizier und Basler Groossroot gsi.

Der Johann Jakob Iselin isch der Soon gsi vom Rootsheer und Fabrikant Hans Jakob Iselin und vo der Maria Elbs. Er het ane 1733 d Susanna Ryhiner ghürootet.

Sini Usbildig as Chaufme het er z Gämf gmacht, und 1722 isch i die französeschi Armee ggange, won er s bis zuum Brigadier brocht het. 1764 isch er uf Basel zrugg cho.

Im Huushalt vo s Iselis het d Ursula Hebel (1727–1773) gschaffet, d Muetter vom alemannische Dichter Johann Peter Hebel.

Literatur

• Thomas Schibler: Johann Jakob Iselin-Ryhiner In: Historisches Lexikon vo dr Schwiiz.