Jischuw

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Mit Jischuw (hebr.: ישוב; „bewoonts Land, Siidlig“) bezäichnet mä die jüüdischi Bevölkerig in Palestina vor dr Gründig vom Staat Israel.

Dr Begriff[ändere | Quälltäxt bearbeite]

Dr Begriff stammt us dr zionistische Beweegig vo de 1880er[1] und het ursprünglig die Juude bezäichnet, wo zwüsche dr erste Iiwanderigswälle (= Ersti Alija) im Joor 1882 und em Palestinachrieg im Joor 1948 in Palestina gläbt häi. Dr Jischuw het am Aafang vo dr groosse Iiwanderig öbbe 25'000 Mensche umfasst und zur Zit vo dr Staatsgründig scho 700'000.

Dr Alt und dr Nöi Jischuw[ändere | Quälltäxt bearbeite]

D Synagooge vo Rischon LeZion, dr erste Siidlig vom Nöije Jischuw, us em Joor 1885

Dr Begriff Alte Jischuw wird für d Juude brucht, wo vor 1882 in Eretz Israel gläbt häi und politisch nit organisiert gsi si. Im Geegesatz zu däm, isch dr Nöi Jischuw organisiert und politisch aktiiv gsi. 1903 het er Waale zu dr erste Knesset abghalte und 1920 zur Delegierteversammlig. 1928 isch dr Jischuw vo dr britische Regierig offiziell anerkennt worde.

Litratuur[ändere | Quälltäxt bearbeite]

  • Ron Kuzar: Jischuw. In: Dan Diner (Hrsg.): Enzyklopädie jüdischer Geschichte und Kultur. (EJGK) Band 3, Metzler, Stuttgart/Weimar 2012, ISBN 978-3-476-02500-5, S. 199–203.

Weblingg[ändere | Quälltäxt bearbeite]

 Commons: Jischuw – Sammlig vo Multimediadateie

Fuessnoote[ändere | Quälltäxt bearbeite]

  1. lut Kuzar, S. 202 f. het dr Abraham Isaak Kook dr Begriff verwändet.