Jerg-Ratgeb-Preis

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Dr Jerg-Ratgeb-Preis fir d Freiheit vo dr Konscht ond fir d Gwaltlosichkeit em Kampf om meh Menschlichkeit ischt vo de Kinschtler HAP Grieshaber ond Rolf Szymanski ens Leaba gruafa ond zom erschda Môl em Jôhr 1977 an da eschtreichischa Bildhauer Rudolf Hoflehner vrliha wôrra. Nôch-em Grieshaber seim Ableaba (1981) hôt d HAP-Grieshaber-Stifdong a Preisgericht eigsetzt, wo älle drei Jôhr an Preisdräger beschdemma soll, wo neabem staddlicha Preisgeld – am Ôfang send’s 30.000 Mark gwäa, heitzodag send’s 20.000 Euro – a Ausstellong mit Kadalog kriagt.

Dui Auszoichnong wuud emmr an-an Kinschtler vrliha, wo mit-ma ibrzeigenda Lebenswerk uffwarda kôô, abr bisher noh et dui Anerkennong kriagt hôt, wo-nr eigentlich vrdeant het; des hoißt, dui Auszoichnong soll uff-en uffmerksam macha. D Organisazioo ond d wissaschaftlicha Betreiong liiget beim Stedtischa Kunschtmuseom Reitlenga (Spendhaus). Finanziirt wuud seller Preis vo dr Stadt Reitlenga mit Ondrstitzong vo dr HAP-Grieshaber-Stifdong. Seit em Jôhr 2002 wuud dr Jerg-Ratgeb-Preis bloß noh älle viir Jôhr vrgeaba.

Preisträger[ändere | Quälltäxt bearbeite]

De bisherige Preisträger seit 1987 send gwäa:

  • 1987: Emil Schumacher
  • 1990: Wilhelm Loth
  • 1993: Carlfriedrich Claus
  • 1996: Armando
  • 1999: Walter Stöhrer
  • 2002: Lucian Freud
  • 2006: Hartwig Ebersbach
  • 2010: Josua Reichert
  • 2014: Joannis Avramidis

Weblinks[ändere | Quälltäxt bearbeite]

Information icon.svg Dä Artikel basiert uff ere fräie Übersetzig vum Artikel „Jerg-Ratgeb-Preis“ vu de dütsche Wikipedia.

E Liste vu de Autore un Versione isch do z finde.