Jehuda ha-Nasi

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Dr Jehuda ha-Nasi (hebräisch ‏יהודה הנשיא‎‎), Jehuda I. oder Rabbenu ha Qadosch (‏רבנו הקדוש‎‎, „unsere häilig Rabbi“), im Talmud mäistens nume Rabbi (* ca. 135; † 15. Kislew 217 z Sepphoris/Zippori), isch e wichdige Patriarch und jüüdische Gleerte im Alterdum gsi. Si groosses Verdienst isch die abschliessendi Redakzioon vo dr Mischna. Er isch doorum dr letscht vo de Tannaite.

Über sis Lääbe isch weenig bekannt. Historiker dänke, ass er vo öbbe 150 bis 220 n. d. Z. gläbt het. Si Vater Rabbi Schimon ben Gamaliel II. isch Nasi, was dennzumool die obersti politischi, religiöösi und juristischi Posizioon under de Juude gsi isch, in dr Stadt Uscha in Galiläa gsi, wo dr Jehuda ufgwaggse isch. Noch em Dood vom Vater isch er uf Bet Sche’arim züüglet, und het dört e Synagoge und e Schuel gläitet. Er isch guet uschoo mit dr röömische Verwaltig und isch im Joor 190 zum Nasi ernennt worde. Er het d Redakzioon vo dr Mischna mit dr Zämmefassig vo de wichdigste halachische Ussaage beändet. D Mischna is aber kä Gsetzkodex, sondern spieglet die vorherrschende Mäinige under de Gleerte in dr Akademii und im Grichtshoof mit allne iire Widersprüch.

Wärk[ändere | Quälltäxt bearbeite]

  • Israel Konovitz: Rabbi Judah ha-Nasi (Rabbi). Collected Sayings. Jerusalem 1965 (hebräisch).

Liddratuur[ändere | Quälltäxt bearbeite]

  • Michael Krupp: Der Talmud. Eine Einführung in die Grundschrift des Judentums mit ausgewählten Texten. Gütersloher Verlagshaus, Gütersloh 1995, ISBN 3-579-00772-6.
  • Samuel Krauss: Antoninus und Rabbi. Verlag Sänger & Friedberg, Wien 1910.
  • Aharon Oppenheimer: Rabbi Judah ha-Nasi. Statesman, Reformer, and the Redactor of the Mishnah. Mohr Siebeck, Tübingen 2017, ISBN 978-3-16-150685-7.
  • Solomon Schechter, Wilhelm Bacher: Judah I.. In: Isidore Singer (Hrsg.): Jewish Encyclopedia. Funk and Wagnalls, New York 1901–1906 (englisch).

Fuessnoote[ändere | Quälltäxt bearbeite]