Jazz Festival Zürich

S Jazz Festival Züri isch es Musigfäscht z Züri gsi. Es het’s vo 1951 bis 1992 all Joor im Herbscht gää.

Agfange het das Fäscht füre Jazz mit em Name Schweizer Amateur Jazzfestival Zürich, und es isch im Kino Urban am Bellevue gsi. Für d Kinolüüt sind dozmol au die nöie und beliebte Jazzfilm es guets Gschäft gsi. Ane 1952 het’s z Züri dänn au agfange mit de Zürcher Juni-Jazzwuche im Kino Albis.

Sit 1961 het men em Fäscht dänn Internationales Amateur Jazz Festival Zürich gseit, wil jetz au ussländischi Gruppe ufem Programm gstande sind. Und vo 1971 aa isch es s Internationale Jazz Festival Zürich gsi. Jetz het’s nümmen im Kino Urban, sondern im ehemolige Corso-Theater, wo sit 1947 es Kino gsi isch, stattgfunde. Es sind am Afang numen Amatöörmusiker ufträtte, erscht sit 1971 meh und meh au Profi. Me het z Züri so Lüüt wie dr Alexis Korner, dr Chris McGregor, dr Chick Corea, dr Umberto Arlati, d Bruno Spoerri Big Band un dr George Gruntz chönne lose.

Bim Jazzfäscht het men au en Musigweppewäärb für alte und für nöie Jazz gmacht, und für d Pryse übergää het me sech tels i anderen Schwiizer Stedt troffe, so wie ane 1952 im Stadtcasino z Basel. Dört isch es paar Joor lang au eis vo de Vorkonzärt gsi, wo me d Gruppe füre nazional Weppewärb vom Zürcher Jäzzfäscht usgwäält het.

I de 1960er Joore het s Musigfäscht jewyls e Platte mit Toonuufnaame vom Festival lo mache.

Literatur

• Ueli Staub: Jazzstadt Zürich. Von Louis Armstrong bis Zurich Jazz Orchestra. Neue Zürcher Zeitung, Zürich 2003, ISBN 978-3-03823-012-0

Weblink

• Mario Schneeberger: Jazz in der Schweiz 1924-1976. Zeitdokumente des Hans Philippi aus Basel. uf jazzdocumentation.ch