Zum Inhalt springen

Janine Wissler

Us der alemannische Wikipedia, der freie Dialäkt-Enzyklopedy
d Janine Wissler (2023)

D Janine Wissler (aigetli Janine Natalie Wißler;[1][2] * 23. Mai 1981 z Langen, Hesse) isch e dytschi Bolitikeri (Die Linke). Syt 2021 isch si Mitglid vum Dytsche Bundesdaag. Dert isch si stellverdrättendi Fraktionsvorsitzeri vu ire Bartei. Vu Februar 2021 bis Oktober 2024 isch si Bundesvorsitzeri vu ire Bartei gsii, bis April 2022 zäme mit dr Susanne Hennig-Wellsow, ab Ändi Juni 2022 zäme mit em Martin Schirdewan.

Vu 2014 bis 2021 isch d Wissler scho stellverdrättendi Bundesvorsitzeri vu dr Linke gsii. Si isch vu 2008 bis 2021 Abgorneti im Hessische Landdag gsii un dert vu 2009 bis 2021 Fraktionsvorsitzeri vu ire Bartei. Ab Jänner 2019 isch si au Vorsitzeri vum Uusschuss fir Wirtschaft, Energi, Verchehr un Wohne im Hessische Landdaag gsii.

Härmchumft, Uusbildig un Beruef

[ändere | Quälltäxt bearbeite]

D Janine Wissler isch z Dreieich un z Neu-Isenburg (boodi im hessische Landkrais Offenbach) in ere Mittelschichtsfamilie ufgwagse. Ire Vater isch Verchaufslaiter bi re Böumäärtchette un Gwäärkschafter gsii, d Mueter Aagstellt bi re Autoversicheri.[3] Iri Mueter isch bolitisch in dr 1970er Johr in dr DKP aktiv gsii un het speeter mit dr Griene simpathisiert.[4] D Janine isch vu 1987 bis 1991 uf d Wingertschuel z Dreieich un vu 1991 bis 2001 uf d Ricarda-Huch-Schuel gange, wu si s Abitur gmnacht het.[5] Derno het si vu 2001 bis 2012 an dr der Universiteet Frankfurt Bolitikwisseschafte studiert un as Diploom-Bolitoloogi abgschlosse.[6] Im Studium het si vu 2002 bis 2007 in Dailzyt as Verchaiferi in eme Böumärt gschafft. Derzue het si vu 2005 bis 2008 im Wahlkraisbiro vum Bundesdaagsabgordnete Werner Dreibus gschafft. No as Studänti het si anne 2004 us Brotescht gege d Agenda 2010 vu dr rot-griene Bundesregierig mit andere di hessisch WASG grindet.[3]

Bolitik

[ändere | Quälltäxt bearbeite]
Designierti Linki-Barteivorsitzerne (v.l.): Janine Wissler un Susanne Hennig-Wellsow (2021)

No dr Verschmelzig vu dr WASG mit dr PDS zur Bartei Die Linke im Juni 2007 isch d Wissler Mitgliid vum Bundesvorstand un vum hessische Landesvoorstand woore. Bi dr Landdaagswahl im Jänner 2008 isch d Wissler iber d Landeslischt in s Barlemänt yyzooge, un au bi dr Neiwahl 2009 isch si wider in Landdaag gwehlt woore. Bi boode Wahle het si im Wahlkrais Frankfurt am Main VI kandidiert. Vu 008 bis 2009 isch si stellverdrättendi Vorsitzeri vu dr Linksfraktion im Hessische Landdaag gsii, ab 2009 het si dr Vorsitz zäme mit em Willi van Ooyen ghaa. Syt sälle uf s Mandaat verziichtet het, sisch si elainigi Vorsitzeri. Bi dr Landdaagswahle 2013 un 2018 isch si im Wahlkrais Frankfurt am Main II aadrätte un isch wider iber d Landeslischt in Landdaag yyzooge. Ab Jänner 2019 isch si Voorsitzeri vum Uusschuss fir Wiirtschaft, Energy, Verchehr un Wohne im Hessische Landdaag gsii.

Vu 2011 bis 2021 isch d Wissler Voorsitzeri vum Linke-Kraisverband Frankfurt am Main gsii. 2012 het si bi dr Ooberbuurgermaischterwahlen kandidiert isch im eerschte Wahlgang am 25. Februar 2012 uf 3,8 % vu dr Stimme chuu.[7] Bi dr Frankfurter Ooberbuurgermaischterwahl 2018 het si im eerschte Wahlgang 8,8 Brozänt vu dr Stimme ghoolt.[8]

Uf em 4. Bundesbarteidaag im Mai 2014 z Berlin isch d Wissler zur stellverdrättende Voorsitzeri vu ire Bartei gwehlt wore.[9]

Am 4. Septämber 2020 het si verchindet, ass si fir dr Bundesvoorsitz wett kandidiere.[10] Uf em 7. Bundesbarteidaag im Februar 2021 isch d Janine Wissler mit 84,2 % vu dr Stimme zur Bundesvoorsitzeri vu dr Bartei Die Linke gwehlt woore.[11]

Im April 2021 het si aagchindet, ass si bi dr Bundesdaagswahl uf Lischteblatz 1 vu dr Linke Hesse kandidiere wett un dodermit in d Bndesbolitik wägslet.[12] Im Mai 2021 isch dr Barteivorstand vu dr Linke d Wissler un dr Dietmar Bartsch as Spitzeduo fir d Bundesdaagswahl 2021 uusgwehlt.[13] Bim Barteidaag vu dr Linke im Juni 2022 isch si mit 57,5 % vu de Stimme as Bundesvorsitzeri widergwehlt wore, Co-Vorsitzer isch dr Martin Schirdewan wore.[14]

Am 18. Augschte 2024 het d Wissler zäme mit em Co-Vorsitzer Martin Schirdewan verchindet, ass si bim Bundesbarteidaag im Oktober 2024 nimi as Barteivorsitzeri kandidiere.[15] Ihri Noofologer*ne sin d Ines Schwerdtner un dr Jan van Aken wore.[16]

Bi dr Bundesdaagswahl 2025 het d Wissler im Wahlkrais 181: Frankfurt am Main I kandidiert un isch iber di Hessisch Landeslischt in Bundesdaag yyzoge. Dert isch si Mitglid im Uusschuss fir Wirtschaft un Energi un stellverdrättend Mitglid im Finanzuusschuss.[17] Am 24. Juni 2025 isch si zur stellverdrättende Fraktionsvorsitzeri un Laiteri vum Arbetskrais fir Arbet, Umverdailig un soziali Sicherhait gwehlt wore. Derzue isch d Wissler 2025 wider zur Vorsitzeri vum Linke-Kraisverband gwehlt wore.[18]

D Wissler isch Mitgliid vu Attac un Verdi. Us em Unterstitzerkrais vum trotzkistische Netzwäärch Marx21 un us dr Sozialistische Linke, zwoo linksextremi Gruppierige vu dr Bartei, wu vum Verfassigsschutz bschaut wääre, isch si uusdrätte im Rame vu ire Kandidatur fir dr Barteivoorsitz.[19]

[ändere | Quälltäxt bearbeite]
 Commons: Janine Wissler – Sammlig vo Multimediadateie

Fueßnote

[ändere | Quälltäxt bearbeite]
  1. ↑ Landeslisten der Parteien in Hessen – Der Bundeswahlleiter. Abgruefen am 20. September 2021.
  2. ↑ Landeslisten der Parteien in Hessen – Der Bundeswahlleiter. Abgruefen am 10. Juli 2022.
  3. 1 2 Anja Maier: Die Vorzeigefrau. In: taz. 28. Dezember 2008, abgruefen am 27. Februar 2021.
  4. ↑ Matthias Bartsch, Kevin Hagen, Jonas Schaible: Kann sie die Linke retten? In: Der Spiegel, 21. Dezämber 2020, abgruefen am 27. Februar 2021.
  5. ↑ Über mich – Janine Wissler. Abgruefen am 30. August 2020.
  6. ↑ Janine Wissler. In: hessischer-landtag.de. Abgruefen am 11. April 2017.
  7. ↑ Ergebnisse Oberbürgermeisterwahl 2012 Frankfurt, hr-online.de, 28. Meerz 2012
  8. ↑ OB-Wahl 2018: Die Ergebnisse der Frankfurter Oberbürgermeisterwahl, hessenschau.de, 25. Februar 2018
  9. ↑ Timo Frasch: Klassenkämpferin im Parlament. In: faz.net. 12. Mai 2014, abgruefen am 10. Juli 2020.
  10. ↑ Wissler will Bundesvorsitzende der Linken werden. In: hessenschau, 4. Septämber 2020.
  11. ↑ Janine Wissler ist neue Linken-Vorsitzende. In: Zeit Online. Abgruefen am 27. Februar 2021.
  12. ↑ Janine Wissler will für Bundestag kandidieren. In: faz.de. Frankfurter Allgemeine Zeitung, 21. April 2021, abgruefen am 22. April 2021.
  13. ↑ Parteivorstand wählt Wissler und Bartsch zum Spitzenteam. In: Die Zeit. Abgruefen am 10. Mai 2021.
  14. ↑ Janine Wissler und Martin Schirdewan bilden neue Linken-Spitze. In: Der Spiegel. 25. Juni 2022, ISSN 2195-1349 (spiegel.de [abgerufen am 25. Juni 2022]).
  15. ↑ Linkenvorsitzende kündigen Rückzug an. In: spiegel.de. 18. August 2024, abgruefen am 18. August 2024.
  16. ↑ Schwerdtner und van Aken als Vorsitzende gewählt. In: tagesschau.de. 19. Oktober 2024, abgruefen am 7. März 2025.
  17. ↑ Deutscher Bundestag - Janine Wißler. Abgruefen am 15. Juni 2025.
  18. ↑ Unser Kreisvorstand. Aktiv. Für Frankfurt. In: Die Linke. Kreisverband Frankfurt. Abgruefen am 8. Mai 2026.
  19. ↑ Katharina Schuler: Janine Wissler beendet Mitgliedschaft in Netzwerk Marx21. In: Die Zeit, 8. Septämber 2020.
Dä Artikel basiert uff ere fräie Übersetzig vu dere Version vum Artikel „Janine_Wissler“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Janine_Wissler&oldid=1086692"