Jakob Schaub
Dr Jakob Schaub isch am 2. Novämber 1862 z Gälterchinde uf d Wält cho und am 3. Merze 1950 z Sissech gschtorbe. Är isch reformiert, Bürger vo Ütige und Verleger gsi.
Sys Läbe[ändere | Quälltäxt bearbeite]
Dr Jakob Schaub isch dr Soon vom Johann Jakob Schaub, Leerer und dr Anna Maria Zeller gsi. Im Joor 1888 het är d Elisabeth Buser vo Sissech ghürotet. Är isch z Gälterchinde in d Primarschuel und z Böckte in d Bezirksschuel gange.
Sy Bruef[ändere | Quälltäxt bearbeite]
Dr Jakob Schaub het z Gälterchinde e Schriftsetzerleer gmacht. Drno het är sich z Büelach zum Buechdruker wyterbildet. Är het z Basel bi de „Basler Nachrichte“ und z`Züri gschafft.
Unternämer[ändere | Quälltäxt bearbeite]
Im Joor 1885 het är dr Uftrag übercho, d „Volksstimme von Baselland“ wo 1882 gründet worde isch, z druke. Do drzue het är im Hans Schneider si Drukerei z Sissech überno. Im Joor 1900 het är vom Herusgäberkomitee vo dere Zytig s Verlagsrächt abgchauft und het d Volksschtimm vo denn a sälbschtändig redigiert und usegee. 1904 het är es nöis Geböi an dr Sissecher Hauptschtross bezoge. Meer als sächzg Joor isch dr Jakob Schaub für d Volksschtimm tätig gsi und het sich in die Zytig ybrocht. Nodem 1928 dr „Baselbieter“ ygange isch, blybt d Volksschtimme die einzig «abonnierti Zytig» im obere Kantonsteil.
Literarischi Verwys[ändere | Quälltäxt bearbeite]
- Nachrufe: Volksstimme 3.3.1950 Basellandschaftliche Zeitung, Basler Nachrichten und National Zeitung 4.3.1950
- Wirz Eduard in: Volksstimme 4.10.1957
- Schaub Hj. in: Volksstimme 29.9.1982