Zum Inhalt springen

Jackson Pollock

Us der alemannische Wikipedia, der freie Dialäkt-Enzyklopedy
Jackson Pollock

Dr Paul Jackson Pollock (* 28. Januar 1912 z Cody, Wyoming; † 11. August 1956 z Springs-East Hampton, Nöi York) isch e amerikanische Mooler vo dr New York School vom Abstrakte Expressionismus gsi.

Dr Pollock mit dr Stiilrichdig vom Action Painting, won er gründet het, bekannt worde. Er het groossformatigi Gmäld im Drip-Painting-Verfaare gmacht. Scho zu Lääbzite het er wägen ä dr Spitznaame „Jack the Dripper“ überchoo.[1]

Dr Pollock isch mit dr Moolere Lee Krasner verhürootet gsi und si häi im gliiche Ateliee gschafft.

S Pollock-Krasner House and Studio z Springs, East Hampton ghöört hüte zu de National Historic Landmarks vo de USA

Wärk

[ändere | Quälltäxt bearbeite]

Dr Jackson Pollock gältet as äine vo de bedütende Künstler vom 20. Joorhundert. Er het nit nume die amerikanischi, sondern au die öiropäischi Kunst beiiflusst. In nume fümf Joor, zwüsche 1946 und 1951, het er Wärk gschafft, wo d Kwelle von em sääge ass es "erstuunlig gschlosse und usserordentlig innovativ" sig. Beiflusst worde isch er vo sim Leerer Benton, de populär kommunistische Wärk vo de mexikanische Muraliste, vom katalanische Mooler Miró,[2] und vom Pablo Picasso. Äänlig wie dr Kubismus vom Braque und Picasso, wo vo de "brimitiven" bzw. ursprünglige Forme vo dr afrikanische Skulptuur usgange isch, het sich dr Pollock uf indianischi und Inuit- (Eskimo)Motiiv bezooge. In de müthologische, totemistische Zäiche vo de Indianer het er d Verbindig vom Umbewusste und em künstlerische Usdruck gsee.

Action Painting

[ändere | Quälltäxt bearbeite]

Vo 1946 aa het dr Pollock si Dripping-Technik entwickler, won er Farbe uf d Liinwand, wo uf em Boode glööge isch, het lo dröpfle und lo fliesse. Mit dene Gmäld het er Kunstgschicht gmacht und isch äine vo de bedütendste amerikanische Künstler vo dr Modärne worde. Sini Bilder lääbe vom Kontrast und wäi eso dr widersprüchlig Geegesatz vo Körper und Seel usdrucke. Wie bi alle Künstler vom Action Painting isch dr Brozäss s Wichdigste wie s Kunstwärk gmacht wird.

Noch 1950 het er groossi Komposizioonen in Schwarzwiss afo mache, het uf de Liinwänd chrüz und kweer bruuni und schwarzi Farblinie gmoolt. Zu de Wärk us dere letschte Schaffensperiode ghöört Die Tiefe, hüte im Museum Springs, Long Island. D Fotene, wo dr Fotograf Hans Namuth zu dere Zit vom Künstler bi der Arbet gmacht het, si legendär worde und häi mitghulfe dr Müthos Pollock z gründe.[3] Vo 1953 aa het dr Pollock wider mit em Bimsel afo schaffe und isch zur figurative Moolerei zrugg. 1954 het er s Moole ganz ufgee.

E baar vo sine Wärk

[ändere | Quälltäxt bearbeite]
  • 1941: Birth, Tate Gallery of Modern Art, London
  • 1943: Blau (Moby Dick), Ohara Museum of Art, Kurashiki, Japan
  • 1946: Eyes in the Heat, Peggy Guggenheim Collection, Venedig
  • 1946: Shimmering Substance, Museum of Modern Art, New York
  • 1947: Sternschnuppe
  • 1947: Zauberwald, The Guggenheim Collection
  • 1948: No. 5, 1948
  • 1949: No. 8, Neuberger Museum of Art, State University of New York
  • 1950: Lavender Mist: Number 1 (Lavendelblauer Nebel), National Gallery of Art, Washington D.C.
  • 1950: Autumn Rhythm (Number 30), Metropolitan Museum of Art, New York
  • 1950: Number 31, Museum of Modern Art, New York
  • 1950: Number 32, Kunstsammlung Nordrhein-Westfalen, Düsseldorf
  • 1952: Blue Poles, No.11, National Gallery of Australia, Canberra
  • 1953: Unformed Figure, Museum Ludwig, Köln

Film

[ändere | Quälltäxt bearbeite]
  • Pollock: Im Joor 2000 het dr Schauspiiler Ed Harris si Reschiidebü mit dr Filmbiographii 'Pollock' gee und het au d Hauptrolle gschbiilt.
  • Jackson Pollock. Filmdokumentazion, 52 Min., Buech und Reschii: Kim Evans, Arthaus Musik GmbH 2008 (1987), ISBN 978-3-939873-21-1.

Liddratuur

[ändere | Quälltäxt bearbeite]
  • Leonhard Emmerling: Jackson Pollock 1912-1956. Taschen, Köln 2003.
  • John Updike: Seek My Face. Ballantine, 2002, ISBN 0-14-101333-8; dt. Sucht mein Angesicht. Rowohlt, Reinbek 2006, ISBN 3-499-24232-X;
  • Sandor Kuthy und Ellen G. Landau: Lee Krasner – Jackson Pollock. Künstlerpaare – Künstlerfreunde / Dialogues d'artistes – résonances. Kunstmuseum Bern / Musée des Beaux-Arts de Berne 1989/1990
  • Regine Prange: Jackson Pollock: Number 32, 1950. Reihe Kunststück. Fischer, Frankfurt am Main 1996.

Weblingg

[ändere | Quälltäxt bearbeite]
 Commons: Jackson Pollock – Sammlig vo Multimediadateie
Allgemäin
Ardikel

Fuessnoote

[ändere | Quälltäxt bearbeite]
  1. ↑ The Wild Ones. Time Magazine, 20. Februar 1956, abgruefen am 28. Januar 2009.
  2. ↑ Uwe M. Schneede: Die Geschichte der Kunst im 20. Jahrhundert, S. 182 f.
  3. ↑ Uwe M. Schneede: Die Geschichte der Kunst im 20. Jahrhundert, S. 183
Dä Artikel basiert uff ere fräie Übersetzig vu dere Version vum Artikel „Jackson_Pollock“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Jackson_Pollock&oldid=1049052"