Ivan Glasenberg

Us der alemannische Wikipedia, der freie Dialäkt-Enzyklopedy
Ivan Glasenberg (2012)

De Ivan Glasenberg, (* 7. Jänner 1957 in Johannesburg), heimatberächtigt und wohnhaft z Rüeschlike[1] isch e südafrikanisch-australisch-schwyzerische Unternämmer und Manager. Er isch de CEO vo de Firma Glencore, em gröschte Rohstoffhändler vo de Wält gsi.

D Glasenberg isch in eme Vorort vo Johannesburg ufgwachse. Sini Muetter isch Südafrikanerin und sin Vater en gebürtiger Litauer. Er het an de University of the Witwatersrand z Südafrika sin Bachelor-Abschluss gmacht und an de University of Southern California sin Master of Business Administration. Im Johr 1984 isch er zu Glencore cho und het im Chole-Departement gschaffet, zerscht z Südafrika und dann z Auschtralie.[2] Zu dere Zyt isch Glencore nonig an dr Börse kotiert gsi.[3] In de Johr 1989 und 1990 het er s Büro vo Glencore z Hong Kong und z Peking gleitet, bevor er im 1991 d Leitig vom Chole-Departement übernoh het.[4] Im 2002 isch er dann CEO vo Glencore worde.

D BusinessWeek het im 2005 brichtet, dass de Glasenberg e Schlüsselfigur im gheime Öl-Handel vom Marc Rich mit em Iran gsi isch. Spöter isch dr Marc Rich vom US-Präsident Bill Clinton begnadiget worde. Im 2011 isch d'Glencore denn an dr Börse kotiert worde un dr Glasenberg isch sehr rich worde.[3]

Im September 2011 het s Schwiizer Wirtschaftsmagazin Bilanz brichtet, dass es Vermöge vo öppe 5,3 Milliarde Franke het.[5] Am 16. April 2012 het d BBC es Interview mit ihm gsendet, wo er d Vorwürf gäge Glencore wäge de Umwältverschmutzig und Chinderarbet zrückgwise het.[6] Im 2021 isch bekannt worde dass dr Glasenberg sich wot lo früehpensioniere. Syn Noochfolger isch dr Gary Nagle worde.[3]

Literatur[ändere | Quälltäxt bearbeite]

Einzelnochwiis[ändere | Quälltäxt bearbeite]

  1. Tagi: Glasenberg ist Zweitreichster im Kanton. Archiviert vom Original am 7. April 2014; abgruefen am 24. September 2012.
  2. Reuters, "Special report: The biggest company you never heard of"
  3. 3,0 3,1 3,2 Ivan Glasenberg tritt zurück: Glencore erhält 2021 einen neuen Chef Luzäärner Zyytig
  4. AfdevInfo, Ivan Glasenberg profile Archivlink (Memento vom 26. Mai 2012 im Internet Archive)
  5. Bilanz über s Vermöge vom Ivan Glasenberg
  6. Berichd von de BBC