Isabell Otto
| Dialäkt: Undermarkgreflerisch |
D Isabell Otto (* 1. Novämber 1976 z Fryburg) isch e dytschi Mediewisseschaftleri.
Lääbe un Wirke
[ändere | Quälltäxt bearbeite]D Otto het anne 1996 s Abitur am Markgrefler Gimnasium z Mille gmacht. Vu 1997 bis 2002 het si an dr Uniwersitet Fryburg, Köln un Paris III Theater-, Film- un Färnsehwisseschaft, Germanischtik un Filosofy studiert un 2002 mit ere Magischterarbet iber „Entgrenzte Spiele. Eine Analyse ausgewählter Filme“ abgschlosse. Vu 2002 bis 2008 isch si wisseschaftligi Mitarbaiteri am kulturwisseschaftlige Forschigskolleg „Medien und kulturelle Kommunikation“ z Köln gsii. Vu 2004 bis 2009 isch si wisseschaftligi Mitarbaiteri am Inschtitut fir Theater-, Film- un Färnsehwisseschaft an dr Uniwersitet z Köln gsii. No dr Promotion 2008 z Köln iber „Aggressive Medien. Zur Geschichte des Wissens über Mediengewalt“ (summa cum laude) isch si vu 2008 bis 2010 wisseschaftligi Mitarbaiteri in dr Koordinationsstell vu dr Graduierteschuel „Locating Media/Situierte Medien“ un am Fachberaich 3 – Sproch-, Literatur- un Mediewisseschaft vu dr Uniwersitet Siegen gsii. Vu 2010 bis 2015 isch si Juniorbrofässeri fir Mediewisseschaft an dr Uniwersitet Konschtanz gsii. Vu 2013 bis 2014 het si d W2-Brofässur fir Medietächnik un Mediefilosofy an dr Ruhr-Uniwersitet Bochum verdrätte. Vu 2014 bis 2015 isch si Fellow am Kulturwisseschaftlige Kolleg vum Exzellänzcluster „Kulturelle Grundlagen von Integration“ gsii. Syter anne 2015 lehrt d Isabell Otto z Konschtanz as Brofässeri fir Mediewisseschaft mit em Schwärpunkt Mediali Dailhab in digitale Kulture (2015 bis 2017 as Forschergruppe-Brofässur (W2), gferderet dir d DFG, syter 2017 as W3-Brofässur). Vu Oktober 2023 bis Merz 2024 isch si Glychstelligsbeufdraiti vu dr Gleichstellungsbeauftragte der Uniwersität Konschtanz gsii, syt April 2024 isch si Brodiräkteri fir Diwersitet un Karriereentwicklig an dr Uniwersitet.
Uusgläseni Schrifte
[ändere | Quälltäxt bearbeite]- Aggressive Medien. Zur Geschichte des Wissens über Mediengewalt. Bielefeld 2008, ISBN 3-89942-883-8.
- as Rusgeberi mit em Arno Meteling un dr Gabriele Schabacher: „Previously on...“ – Zur Ästhetik der Zeitlichkeit neuerer TV-Serien. München 2010, ISBN 978-3-7705-4835-4.
- as Rusgeberi mit em Mathias Denecke, dr Anne Ganzert un em Robert Stock: ReClaiming participation. Technology – mediation – collectivity. Bielefeld 2018, ISBN 3-8376-2922-8.
- as Herausgeberin mit dr Nacim Ghanbari, dr Samantha Schramm un em Tristan Thielmann: Kollaboration. Beiträge zur Medientheorie und Kulturgeschichte der Zusammenarbeit . München 2018, ISBN 3-7705-5840-5.
