Inzest

Us der alemannische Wikipedia, der freie Dialäkt-Enzyklopedy

Inzest (latiinisch incestus „unköisch“) oder Bluetschand bezäichnet dr Gschlächtsvercheer zwüsche äng verwandte Mensche – im Underschiid zur „Inzucht“ in dr Zucht vo Dier und Pflanze, wo bin ere mögligst noochi Verwandti baart wärde, zum genetischi Merkmol, wo gwünscht si, z versterke. Inzest in siner sterkste Usbräägig isch dr Gschlächtsvercheer vom e Vater oder ere Mueter mit eme äigene Chind, zum Bischbil bi Fäll vo sexuellem Missbruuch vo Chinder in iirer Familie. Au wenn erwaggseni Gschwüster e sexuelli Beziejig häi, gältet das in gwüsse Länder, zum Bischbil z Dütschland, as stroofbare Inzest.

0 Inzest isch grundsätzlig verbote
0 Inzest isch nit verbote, inzestuösi Hürote si verbote
0 Inzest isch nit verbote, vor ere inzestuöse Hürot muess mä berootet wärde
0 Inzest under Erwaggsene isch nit verbote
0 käini Inzest-Rächtsvorschrifte oder käini Informazione

Inzest isch vor allem früener zimlig verbräitet gsi, zum Bischbil under noche Bluetsverwandte im öiropäische Hoochaadel, in abgläägene ländlige Gegende oder in Uslandsgmäinschafte.

Inzestverbot (Inzesttabus) richde sich in alle Kulture noch dr Nööchi, em Grad vo dr Verwandtschaft, d Gränze si aber verschiide. Soziali Grubbe, Gsellschafte und vor allem Religione häi seer underschidligi Vorstellige drvo, was en Inzest isch, wo muess verbote wärde – oder was für en Inzest vo de Mitgliider gwünscht oder sogar gforderet wird (Inzestgebot).

In meerere Demokratie, wo Inzest as sonige hüte verbote isch, überlegt mä sich, das Verbot abzschaffe, wil dr Schutz vo Chinder und andere Abhängige dur anderi Gsetz gwäärläistet isch.

Litratuur[ändere | Quälltäxt bearbeite]

  • Claude Lévi-Strauss: Die elementaren Strukturen der Verwandtschaft. Us em Französische vo dr Eva Moldenhauer. 3. Auflage. Suhrkamp Verlag, Frankfurt am Main 2009, ISBN 3-518-28644-7 (französischi Erstusgoob 1948; dr Ethnolog Lévi-Strauss, 1908–2009, isch dr Begründer vom ethnologische Strukturalismus und früener e Verdräter von ere Ethnosoziologii gsi).
  • Debra Lieberman, John Tooby, Leda Cosmides: Does Morality Have a Biological Basis? An Empirical Test of the Factors Governing Moral Sentiments Relating to Incest. In: Proceedings of the Royal Society. Band 270, London 2003, doi:10.1098/rspb.2002.2290, S. 819–826 (änglisch; PDF-Datei; 170 kB; 8 Site).

Weblingg[ändere | Quälltäxt bearbeite]

 Commons: Inzest – Sammlig vo Multimediadateie
Dä Artikel basiert uff ere fräie Übersetzig vum Artikel „Inzest“ vu de dütsche Wikipedia. E Liste vu de Autore un Versione isch do z finde.