Internationale Dag vu dr Prässefreihait

Us der alemannische Wikipedia, der freie Dialäkt-Enzyklopedy

Mit em Internationale Dag vu dr Prässefreihait (änglisch World Press Freedom Day) wird syter anne 1994 all Johr am 3. Mai uf Verletzige vu dr Prässefreihait un uf d Bedytig vu dr feie Brichterstattig fir Demokratien ufmerksam gmacht.

Johresdokumentation, was gschääne isch[ändere | Quälltäxt bearbeite]

Prässefreihait no Aagabe vu Reporter ohni Gränze

Organisatione wie Reporter ohni Gränze (RoG) nutze dä Wältdag go uusfierlig uf Willkür- un Gwaltmaßnahme wie zem Byschpel d Inhaftierig oder s Umbringe vu Schurnalischte hiizwyyse.

Gschicht[ändere | Quälltäxt bearbeite]

Dr International Dag vu dr Prässefreihait isch vu dr UNESCO initiiert wore. In dr Verfassig vu dr UNESCO het s en Artikel, wu d Ferderig vu dr Prässe- un Mainigsfreihait as Laitziil vu dr Organisation definiert. Uf Vorschlag vu dr UNESCO het d UN-Generalversammlig am 20. Dezämber 1993 dr 3. Mai zum Wältdag vu dr Prässefreihait verchindet.

Hintergrund vu däm Wältdag isch d Deklaration vu Windhuk, wu am 3. Mai 1991 uf eme UNO/UNESCO-Seminar zur Ferderig vun ere unabhängigen un pluralistische Prässe z Windhoek (Namibia) verabschidet woren isch. Zäntrali Uussag vu dr Erklerig isch, ass freii, pluralistischi un unabhängigi Medie ne arg wichtig Merkmol vu demokratische Gsellschafte sin.

UNESCO/Guillermo Cano World Press Freedom Prize[ändere | Quälltäxt bearbeite]

Syter anne 1997 wird am Internationale Dag vu dr Prässefreihait r UNESCO/Guillermo Cano World Press Freedom Prize vergee, im Gedänken an dr Schurnalischt Guillermo Cano Isaza, wu am 17. Dezämber 1986 vor em Gebeoi vu syre Zytig, em El Espectador, in dr kolumbianische Hauptstadt Bogotá umbrocht woren isch. Dr Bryys wird vun ere unabhängige Jury us vierzeh professionälle Schurnalischte. Vorschleg fir Lyt, wu gehrt solle wäre, chenne dur regionali oder internationali NGO us em Beraich vu dr freie Brichterstattig un vu dr UNESCO-Mitglidsstaaten yygee wäre.

Weblink[ändere | Quälltäxt bearbeite]

Dä Artikel basiert uff ere fräie Übersetzig vu dere Version vum Artikel „Internationaler_Tag_der_Pressefreiheit“ vu de dütsche Wikipedia. E Liste vu de Autore un Versione isch do z finde.