Ingrid Grummt
D Ingrid Grummt (* 26. Novämber 1943[1]) isch e dytschi Molekular- un Zällbiologi. Si het e Helmholtz-Brofässur fir Molekularbiology am Dytsche Chräbsforschigszäntrum (DKFZ) z Haidelberch.
Beruef un Karriere
[ändere | Quälltäxt bearbeite]D Ingrid Grummt het ab 1962 Biology an dr Humboldt-Uniwersitet Berlin studiert, 1967 het si s Tudium abgschlosse un 1970 derno zum Dr. rer. nat. bromewiert. As Poscht-Doktorandi isch si an Dytsche Akademy vu dr Wisseschafte z Berlin un ab 1972 am Max-Planck-Inschtitut fir Biochemy z Minche gsii. Anne 1977 het si si an dr Uniwersitet Minche habilitiert.
Vu 1980 bis 1984 het si ne Forschigsgruppe am Inschtitut fir Biochemy vu dr Uniwersitet Würzburg glaitet. Vu 1985 bis 1989 isch si Brofässeri fir Mikrobiology z Würzburg gsii un ab 1989 Abdailigslaiteri am Dytsche Chräbsforschigszäntrum z Haidelberch. Vu 1992 bis 2005 isch si im DKFZ Kuratorium gsii.
Forschigsschwärpinkt
[ändere | Quälltäxt bearbeite]Si forscht zue dr Genregulation in Saigerzälle, vor allem em Mechanismus, wie usseri Umwältsignal d Transkription vum Genom vu dr Zälle ändere. Doderzue ghere au fählerhafti Genexpression-Brozäss wie bi Chräbs oder andere Chrankete.
Derzue forscht si zue epigenetische Kontrollmechanisme vu dr Genexpression, wu iber d Veränderig vu dr Struktur vum Chromatin wirke, em DNA-Protein-Komplex in dr Chromosome, wu fir dr Schutz vu dr DNA dient. Änderige am Chromatin chenne aber verhindere oder megli mache, ass bstimmti Genabschnitt chenne uusgläse wäre. D Grummt het chenne noowyse, ass bi dr epigenetische Genregulazion RNA, wu nit kodiert (ncRNA), e wichtigi Roll spiilt. Si sorgt derfir, ass regulatorischi Genregione dur Methylierig chenne blockiert wäre. D Grummt untersuecht au d Roll vu däne epigenetische Mechanisme bi Chräbs, zum Unterschid vu Methylierigsmuschter in Normal- un Chräbszälle.
Si het e Broteinkumpläx (NoRC) entdeckt, wu ribosomali Gene doderdur stilllait, ass die änger packt wäre. S Uusschalte vu däne Gen spiilt e Roll bi Alterigsbrozäss un Erbchrankete.
Uuszaichnige
[ändere | Quälltäxt bearbeite]Si isch Mitglid vu dr Leopoldina[2] und seit 1998 der Academia Europaea.[3] Syt 1985 isch si Mitglid vu dr European Molecular Biology Organisation (EMBO) un 2002 bis 2007 isch si im Rot vu däre gsii.
- 1990: Gottfried-Wilhelm-Leibniz-Bryys
- 2008: ERC Advanced Grant
- 2010: Women in Science Award vu FEBS un EMBO.[4]
- 2012: Prix International de l’INSERM
- 2013: Schleiden-Medaille vu dr Leopoldina
Weblink
[ändere | Quälltäxt bearbeite]- Homepage DKFZ
- Curriculum Vitae, Leopoldina, pdf
- Mitdailig vu dr DKFZ zue dr Schleiden-Medaille fir d Grummt
Fueßnote
[ändere | Quälltäxt bearbeite]- ↑ Curriculum Vitae, Leopoldina, pdf
- ↑ Mitglidsyytrag vu Ingrid Grummt bi dr Dytsche Akademy vu dr Naturforscher Leopoldina, abgruefen am 23. Oktober 2015.
- ↑ Eintrag auf der Internetseite der Academia Europaea
- ↑ Ingrid Grummt ist "Frau der Wissenschaft 2010" - DKFZ-Forscherin gewinnt "Women in Science Award 2010". Abgruefen am 29. Mai 2024.
|
Dä Artikel basiert uff ere fräie Übersetzig vu dere Version vum Artikel „Ingrid_Grummt“ vu de dütsche Wikipedia. E Liste vu de Autore un Versione isch do z finde. |