Ines Torelli

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
D'Ines Torelli (sitzend) näbe em Jörg Schneider (rächts), ca. 1963

D Ines Torelli (* 14. Juni 1931 z Sanggalle as Ines Stierli; † 21. Augschte 2019 z Nova Scotia) isch e Schwiizer Kabarettistin, Sängere und Schauspiilere gsy.

In de mäiste Rolle het si i dr Mundart greedet. Ihre Nochname «Stierli» het si frei is Spanische ibersetzt und so mit em chleine Stier «Torelli» ihri kämpferisch Natur betont.[1]

Läbe[ändere | Quälltäxt bearbeite]

D Ines Torelli isch bsundrigs bekannt dur Audio-Ufnaame bi Chasperli-Doondrääger vo und mit em Jörg Schneider und em Paul Bühlmann.

Si het zämme mit em Oskar Hoby, dr Regine Brandt und em Alfred Bruggmann zur Urbsetzig vom Aargauer Cabaret Rüeblisaft ghöört und isch spööter dur d Vera Furrer ersetzt worde.[2] Si het in «Bibi Balù» gspiilt und gsunge und in «der kleinen Niederdorfoper» vom Paul Burkhard under dr Reschii vom Jörg Schneider.

E bedütende Erfolg isch dr Schlaager Tschitschi vo Arosa wo si im Januar 1975 zum erste Mol gsunge het, e Parodii uf Gigi l'Amoroso vo dr Dalida. Dr Tschitschi isch doo e Schiileerer und Fraueschwarm und isch - ursprünglig fiktiv - vom Daniel Meisser daargstellt worde. D Torelli isch au mit em Cabaret Rotstift ufdräte, zum Bischbil in dr Schou «Der doppelte Engel», wo sii und d Rosemarie Pfluger d Wirtinne und s Cabaret Rotstift dr Stammdisch gspiilt häi.[3]

Zletscht het si z Lunenburg in dr kanadische Browinz Nova Scotia gwoont, früener zäme mit iirem Maa Edi Baur, wo am 14. Oktober 2009 gstorben isch.[4]

Film[ändere | Quälltäxt bearbeite]

  • 1995: Happy Birthday, Tante Martha in dr Färnseeserii Fascht e Familie as d Olga Farmer
  • 1981: Potz Millione (Färnseefilm) as d Gerda Hugentobler
  • 1975: The Grotze Farmer
  • 1971: Professor Sound und die Pille - Die unwahrscheinliche Geschichte einer Erfindung (Färnseefilm) as d Butzfrau
  • 1969: Pfarrer Iseli as d Maja
  • 1968: Die sechs Kummerbuben as d Sonja Kummer
  • 1962: Chikita as d Ursula
  • 1959: Café Odeon
  • 1957: Bäckerei Zürrer as d Ines, im Luigi si Fründin
  • 1956: Oberstadtgass

Litratuur[ändere | Quälltäxt bearbeite]

Weblingg[ändere | Quälltäxt bearbeite]

Fuessnoote[ändere | Quälltäxt bearbeite]

  1. Ines Torelli geniesst die kleinen Dinge des Lebens Dossier uf srf.ch vom 13. Juni 2016
  2. Jahresbericht. (PDF; 3,8 MB) suissimage, 2006, abgerufen am 28. Februar 2011.
  3. Ein «Doppelter Engel» wird 80! Artikel uf srf.ch vom 14. Juni 2011
  4. Theaterpionier Edi Baur ist tot Artikel im Tagi vom 21. Oktober 2009
Information icon.svg Dä Artikel basiert uff ere fräie Übersetzig vu dere Version vum Artikel „Ines_Torelli“ vu de dütsche Wikipedia.

E Liste vu de Autore un Versione isch do z finde.